Hum se Ali bin Abdullah Madini ne bayan kiya, kaha hum se Hisham bin Yusuf ne bayan kiya, kaha hum ko Mamar ne khabar di, unhein Zuhri ne, unhein Yahya bin Urwah bin Zubayr ne, unhein Urwah ne aur in se Aisha razi Allahu anha ne bayan kiya ke kuch logon ne Rasool Allah salla Allahu alaihi wasallam se kaahinon ke mutalliq poochha Nabi Karim salla Allahu alaihi wasallam ne farmaya ke is ki koi buniyaad nahi. Logon ne kaha ke ya Rasool Allah! Baaz auqat woh hamain aaisi cheezin bhi batate hain jo sahih ho jati hain. Nabi Karim salla Allahu alaihi wasallam ne farmaya ke yeh kalma e haq hota hai. Isay kaahin kisi jin-ni se sun leta hai woh jin-ni apne dost kaahin ke kaan mein daal jata hai aur phir yeh kaahin is ke saath sau jhoot mila kar bayan karte hain. Ali bin Abdullah Madini ne bayan kiya ke Abd-ur-Razzaq is kalma «tilkal-kalimatu minal-haqqi» ko mursalan riwayat karte thay phir unhon ne kaha mujhko yeh khabar pahunchi ke Abd-ur-Razzaq is ke baad is ko musnadan Aisha razi Allahu anha se riwayat kiya hai.

Hum se Muhammad ne bayan kiya, unhon ne kaha hum se Ibn Abi Maryam ne bayan kiya, unhon ne kaha ke humein Laith ne khabar di, un se Ibn Abi Jafar ne bayan kiya, un se Muhammad Bin Abdur Rahman ne bayan kiya, un se Urwah Bin Zubair ne bayan kiya aur un se Nabi Kareem (Sallallahu Alaihi Wasallam) ki zauja Aisha Siddiqua (Radi Allahu Anha) ne bayan kiya ke unhon ne Nabi Kareem (Sallallahu Alaihi Wasallam) se suna. Aap (Sallallahu Alaihi Wasallam) ne farmaya tha "Farishte 'anan' mein utarte hain. Aur 'anan' se murad badal hain. Yahan farishte un kaamon ka zikr karte hain jin ka faisla aasman mein ho chuka hota hai. Aur yahin se Shayatin kuch chori chhupe baatein uda lete hain. Phir kahinon ko is ki khabar kar dete hain aur ye kahin so jhoot apni taraf se mila kar ise bayan karte hain."
.

Hum se Muhammad bin Salam ne bayan kiya, kaha hum ko Makhlad bin Yazid ne khabar di, kaha hum ko Ibn Jurayj ne khabar di ke Ibn Shihab ne bayan kiya ke mujhko Yahya bin Urwah ne khabar di, unhon ne Urwah se suna, kaha ke Aisha razi Allahu anha ne bayan kiya ke kuch logon ne Rasool Allahsalla Allahu alaihi wasallam se kahinon ke baare mein poochha. Nabi Karim salla Allahu alaihi wasallam ne in se farmaya ke in ki (pesheen-goiyon ki) koi haisiyat nahi. Sahabah ne arz kiya: ya Rasool اللہ! Lekin woh baaz auqat aaisi baatein karte hain jo sahih sabit hoti hain. Nabi Karim salla Allahu alaihi wasallam ne farmaya ke woh baat, sachi baat hoti hai jise jin farishton se sun kar ura leta hai aur phir usay apne wali (kahin) ke kaan mein murgh ki aawaz ki tarah daalta hai. Is ke baad kahin is (ek sachi baat mein) sau se zyada jhoot mila dete hain.

Hum se Ali bin Abdullah Madini ne bayan kiya , kaha hamase Hisham bin Yusuf ne bayan kiya , kaha hamako Mamar ne khabar di , unhein Zuhri ne (doosri sanad) Imam Bukhari rahmahullah ne kaha aur mujh se Ahmad bin Salih ne bayan kiya , kaha hamase Anbasa bin Khalid ne bayan kiya , kaha hamase Yunus bin Yazid Aili ne bayan kiya , in se Ibn Shihab ne , kaha mujhko Yahya bin Urwah bin Zubayr ne khabar di ke unhon ne Urwah bin Zubayr se suna ke Aisha razi Allahu anha ne kaha ke kuch logon ne Nabi Karim salla Allahu alaihi wasallam se kahinon ke mutalliq sawal kiya . Nabi Karim salla Allahu alaihi wasallam ne farmaya ke in ki kisi baat ka aitbar nahi . Ek sahab ne kaha ke ya Rasool Allah! yeh log baaz aaisi baatein bayan karte hain jo sahih saabit hoti hain . Bayan kiya ke is par Nabi Karim salla Allahu alaihi wasallam ne farmaya ke yeh sahih baat woh hai jise shaytan farishton se sun kar yaad rakkkh laita hai aur phir usay murghi ke kat kat karne ki tarah (kahinon) ke kaanon mein daal deta hai aur yeh is mein sau se zyada jhoot milaate hain .