Hum se Muhammad bin Bashar ne bayan kiya, kaha hum se Ibn Abi Adi ne bayan kiya, in se Hisham bin Hassan ne, in se Ikrimah ne aur in se Ibn Abbas razi Allahu anhuma ne ke Nabi Karim salla Allahu alaihi wasallam ne halat e ihram mein apne sar mein pachhna lagwaya (yeh pachhna Aap ne sar ke) dard ki wajah se lagwaya tha jo Lahyi Jamal naami pani ke ghaat par Aap ko ho gaya tha.

Hum se Ali Bin Abdullah ne bayan kiya, kaha hum se Sufyan Bin Uyainah ne bayan kiya ke Amr Bin Dinar ne bayan kiya pehli baat mein ne jo Ata Bin Abi Rabah se suni thi, unhon ne bayan kiya ke mein ne Abdullah Bin Abbas (Radi Allahu Anhuma) se suna, wo keh rahe thay ke Rasul Allah (Sallallahu Alaihi Wasallam) jab muhrim thay is waqt aap ne pachna lagwaya tha. Phir mein ne unhein ye kehte suna ke mujh se Ibn Abbas (Radi Allahu Anhuma) se Taous ne ye hadees bayan ki thi. Is se mein ne ye samjha ke shayad unhon ne in donon hazraat se ye hadees suni ho gi (mutakallim Amr hain aur donon hazraat se murad Ata aur Taous Rahmahullah Alaihima hain)
.