Hum se Qutaybah bin Saeed ne bayan kiya, kaha hum se Abdul Wahhab ne bayan kiya, in se Ayub ne, in se Abu Qulabah ne aur in se Anas razi Allahu anhu ne ke Rasool Allah salla Allahu alaihi wasallam seing wale do chitkabre meindhon ki taraf mutawajjo huay aur unhein apne hath se zibah kiya. Is ki mutabia-t Wuhaib ne ki, in se Ayub ne aur Ismail aur Hakam bin Wardan ne bayan kiya ke in se Ayub ne, in se Muhammad bin Sireen ne aur in se Anas razi Allahu anhu ne bayan kiya.

Hum se Adam bin Abi Iyas ne bayan kiya, unhon ne kaha hum se Shubah ne bayan kiya, in se Abdul Aziz bin Suhayb ne bayan kiya, unhon ne Anas bin Malik razi Allahu anhu se suna ke unhon ne bayan kiya ke Nabi Karim salla Allahu alaihi wasallam do meindhon ki qurbani karte thay aur main bhi do meindhon ki qurbani karta tha.

Hum se Adam bin Abi Iyas ne bayan kiya , kaha hum se Shubah ne bayan kiya , kaha hum se Qatadah ne bayan kiya , in se Anas razi Allahu anhu ne bayan kiya ke Nabi Karim salla Allahu alaihi wasallam ne do chitkabre meindhon ki qurbani ki . Main ne dekha ke Nabi Karim salla Allahu alaihi wasallam apne paon janwar ke oopar rakkhe huay hain aur Bismillah Wallahu Akbar parh rahe hain . Is tarah Aap ne donon meindhon ko apne hath se zibah kiya .

Hum se Hajjaj bin Minhal ne bayan kiya , kaha hum se Humam ne bayan kiya , in se Qatadah ne , unhon ne kaha ke hum se Anas razi Allahu anhu ne bayan kiya ke Nabi Karim salla Allahu alaihi wasallam seing wale do chitkabre meindhon ki qurbani kiya karte thay aur Nabi Karim salla Allahu alaihi wasallam اپنا paon in ki gardanon ke oopar rakhte aur unhein apne hath se zibah karte thay .

Hum se Qutaybah ne bayan kiya , kaha hum se Abu Awanah ne bayan kiya , in se Qatadah ne aur in se Anas razi Allahu anhu ne bayan kiya ke Nabi Karim salla Allahu alaihi wasallam ne seing wale do chitkabre meindhon ki qurbani ki . Unhein apne hath se zibah kiya . Bismillah aur Allahu Akbar parha aur apna paon in ki gardan ke oopar rakh kar zibah kiya .

Hum se Hafs bin Umar ne bayan kiya, kaha hum se Hisham ne bayan kiya, in se Qatadah ne aur in se Anas razi Allahu anhu ne bayan kiya ke Nabi Karim salla Allahu alaihi wasallam ne do maindhon ki qurbani ki aur zibah karte waqt Bis-mil-laahi Allaahu akbar parha.