Hum se Abdullah bin Yusuf ne bayan kiya, unhon ne kaha hum ko Imam Malik ne khabar di, unhein Ibn Shihab ne, unhein Abu Idrees Khaulani ne aur woh Abu Thalaba Khushni razi Allahu anhu se riwayat karte hain ke Rasool Allahsalla Allahu alaihi wasallam ne har phaarh khane wale darindon ka gosht khane se mana kiya thu. Is riwayat ki mutabia-t Yunus, Mamar, Ibn Uyaynah aur Maajishoon ne Zuhri ki sanad se ki hai.

Hum se Ishaq ne bayan kiya, kaha hum ko Yaqoob bin Ibrahim ne khabar di, kaha hum se hamare walid ne bayan kiya, in se Salih ne, in se Ibn Shihab ne, unhein Abu Idrees ne khabar di aur in se Abu Thalaba razi Allahu anhu ne bayan kiya ke Rasool Allahsalla Allahu alaihi wasallam ne paltu gadhe ka gosht khana haram qarar diya thu. Is riwayat ki mutabia-t Zubaydi aur Aqeel ne Ibn Shihab se ki hai. Malik, Mamar, Maajishoon, Yunus aur Ibn Ishaq ne Zuhri se bayan kiya ke Nabi kareem salla Allahu alaihi wasallam ne har phaarh kar khane wale darinde ka gosht khane se mana farmaya hai.

Mujh se Abdullah bin Muhammad Musandi ne bayan kiya, kaha hum se Sufyan bin Uyaynah ne bayan kiya, in se Zuhri ne, in se Abu Idrees Khaulani ne aur in se Abu Thalaba Khushni razi Allahu anhu ne bayan kiya ke Nabi Karim salla Allahu alaihi wasallam ne har daant se khane wale darinda janwar (ke gosht) se mana farmaya. Zuhri ne bayan kiya ke main ne yeh hadees is waqt tak nahi suni jab tak Sham nahi aaya.

Aur Layth ne zyada kiya hai kaha ke mujh se Yunus ne bayan kiya, in se Ibn Shihab Zuhri ne ke main ne Abu Idrees se poochha kya hum (dawa ke taur par) gadhi ke doodh se wuzu kar sakte hain ya usay pee sakte hain ya darinda janwaron ke pittay istemal kar sakte hain ya oont ka peshab pee sakte hain. Abu Idrees ne kaha ke Musalman oont ke peshab ko dawa ke taur par istemal karte thay aur is mein koi haraj nahi samajhte thay. Albatta gadhi ke doodh ke baare mein hamain Rasool Allah salla Allahu alaihi wasallam ki yeh hadees pahunchi hai ke Nabi Karim salla Allahu alaihi wasallam ne is ke gosht se mana farmaya tha. Is ke doodh ke mutalliq hamain koi hukm ya mamanat Nabi Karim salla Allahu alaihi wasallam se maloom nahi hai. Albatta darindon ke pittay ke mutalliq jo Ibn Shihab ne bayan kiya ke mujhe Abu Idrees Khaulani ne khabar di aur unhein Abu Thalaba Khushni razi Allahu anhu ne khabar di ke Rasool Allah salla Allahu alaihi wasallam ne har daant wale shikari darinde ka gosht khane se mana farmaya hai.