Is baab mein Salamah razi Allahu anha ki hadees Nabi kareem salla Allahu alaihi wasallam se marwi hai.

Hum se Sadaqah ne bayan kiya, kaha hum ko Abdah ne khabar di, unhein Ubaidullah ne, unhein Salim aur Nafi ne aur unhein Ibn Umar razi Allahu anhuma ne ke Nabi kareem salla Allahu alaihi wasallam ne Jang e Khaibar ke mauqa par paltu gadhon ke gosht ki mamanat kar di ku.

Hum se Musaddad ne bayan kiya, kaha hum se Yahya ne bayan kiya, in se Ubaidullah ne, kaha mujh se Nafi ne bayan kiya aur in se Abdullah razi Allahu anhu ne bayan kiya ke Nabi kareem salla Allahu alaihi wasallam ne paltu gadhon ke gosht ki mamanat ki thi. Is riwayat ki mutabia-t Ibn Mubarak ne ki ku, in se Nafi ne aur Abu Usamah ne bayan kiya, in se Ubaidullah ne aur in se Salim ne isi tarah se bayan kiya.

Hum se Abdullah bin Yusuf ne bayan kiya, unhon ne kaha hum ko Imam Malik ne khabar di, unhein Ibn Shihab ne, unhein Muhammad bin Ali ke bete Abdullah aur Hasan ne aur unhein in ke walid ne ke Ali razi Allahu anhu ne bayan kiya ke Jang e Khaibar ke saal Rasool Allahsalla Allahu alaihi wasallam ne muta aur paltu gadhon ke gosht ke khane se mana farma diya tha.

Hum se Sulayman bin Harb ne bayan kiya, kaha hum se Hammad ne bayan kiya, in se Amr ne, in se Muhammad bin Ali ne aur in se Jabir bin Abdullah razi Allahu anhuma ne bayan kiya ke Nabi kareem salla Allahu alaihi wasallam ne Jang e Khaibar ke mauqa par gadhon ke gosht khane se mana farma diya thu aur ghoron ke liye rukhwat farma di ku.

Hum se Musaddad ne bayan kiya, kaha hum se Yahya ne bayan kiya, in se Shubah ne bayan kiya, in se Adi ne bayan kiya aur in se Bara aur Ibn Abi Aufa razi Allahu anhuma ne bayan kiya ke Nabi kareem salla Allahu alaihi wasallam ne gadhe ka gosht khane se mana farma diya tha.

Hum se Musaddad ne bayan kiya, kaha hum se Yahya ne bayan kiya, in se Shubah ne bayan kiya, in se Adi ne bayan kiya aur in se Bara aur Ibn Abi Aufa razi Allahu anhuma ne bayan kiya ke Nabi kareem salla Allahu alaihi wasallam ne gadhe ka gosht khane se mana farma diya tha.

Hum se Ishaq ne bayan kiya, kaha hum ko Yaqoob bin Ibrahim ne khabar di, kaha hum se hamare walid ne bayan kiya, in se Salih ne, in se Ibn Shihab ne, unhein Abu Idrees ne khabar di aur in se Abu Thalaba razi Allahu anhu ne bayan kiya ke Rasool Allahsalla Allahu alaihi wasallam ne paltu gadhe ka gosht khana haram qarar diya thu. Is riwayat ki mutabia-t Zubaydi aur Aqeel ne Ibn Shihab se ki hai. Malik, Mamar, Maajishoon, Yunus aur Ibn Ishaq ne Zuhri se bayan kiya ke Nabi kareem salla Allahu alaihi wasallam ne har phaarh kar khane wale darinde ka gosht khane se mana farmaya hai.

Hum se Muhammad bin Salam ne bayan kiya, kaha hum ko Abdul Wahhab Saqafi ne khabar di, unhein Ayub ne, unhein Muhammad ne aur unhein Anas bin Malik razi Allahu anhu ne ke Rasool Allahsalla Allahu alaihi wasallam ki khidmat mein ek sahab aaye aur arz kiya ke main ne gadhe ka gosht kha liya hai phir doosre sahab aaye aur kaha ke main ne gadhe ka gosht kha liya hai phir teesre sahab aaye aur kaha ke gadhe khatam ho gaye. Is ke baad Nabi kareem salla Allahu alaihi wasallam ne ek munadi ke zariye logon mein elan karaya ke Allah Ta'ala aur us ke Rasool tumhein paltu gadhon ka gosht khane se mana karte hain kyunke woh na-paak hain chunanche isi waqt handiyaan ulat di gayin haalan ke woh (gadhe ke) gosht se josh maar rahi thien.

Hum se Ali bin Abdullah ne bayan kiya, kaha hum se Sufyan ne bayan kiya, in se Amr ne bayan kiya ke main ne Jabir bin Zayd razi Allahu anhuma se poochha ke logon ka khayal hai ke Rasool Allahsalla Allahu alaihi wasallam ne paltu gadhon ka gosht khane se mana kiya thu? Unhon ne kaha ke Hakam bin Amr Ghifari razi Allahu anhu ne hamain Basra mein yahi bataya thu lekin ilm ke samundar Ibn Abbas razi Allahu anhuma ne is se inkar kiya aur (istidlal mein) is aayat ki tilawat ki «qul-laa ajidu feema oohiya ilayya muharraman» .