Hum se Hakeem Abu Nuaym ne bayan kiya , kaha hum se Malik bin Anas ne , in se Ishaq bin Abdullah ne aur in se Anas razi Allahu anhu ne bayan kiya ke main ne dekha ke Rasool Allah salla Allahu alaihi wasallam ki khidmat mein shorba laya gaya . Is mein kaddu aur sookhe gosht ke tukre thay , phir main ne dekha ke Nabi Karim salla Allahu alaihi wasallam is mein se kaddu ke qatlay talash kar kar ke kha rahe thay .

Hum se Abdullah Bin Yusuf ne bayan kiya, unhon ne kaha ke hum ko Imam Malik ne khabar di, unhein Ishaq Bin Abdullah Bin Abi Talha ne khabar di, unhon ne Anas Bin Malik (Radi Allahu Anhu) ko ye kehte suna ke ek darzi ne Rasul Allah (Sallallahu Alaihi Wasallam) ko khane par bulaya. Anas Bin Malik (Radi Allahu Anhu) ne kaha mein bhi is dawat mein Rasul Allah (Sallallahu Alaihi Wasallam) ke sath gaya. Is darzi ne roti aur shorba jis mein kaddu aur bhuna hua gosht tha, Rasul Allah (Sallallahu Alaihi Wasallam) ke samne pesh kar diya. Mein ne dekha ke Rasul Allah (Sallallahu Alaihi Wasallam) kaddu ke qatle piyale mein talash kar rahe thay. Isi din se mein bhi barabar kaddu ko pasand karta hoon
.

Hum se Qutaybah bin Saeed ne bayan kiya , in se Imam Malik ne , in se Ishaq bin Abdullah bin Abi Talha ne , unhon ne Anas bin Malik razi Allahu anhu se suna , unhon ne bayan kiya ke ek darzi ne Rasool Allah salla Allahu alaihi wasallam ki khane ki dawat ki jo unhon ne Nabi Karim salla Allahu alaihi wasallam ke liye tayyar kiya tha . Anas razi Allahu anhu ne bayan kiya ke Nabi Karim salla Allahu alaihi wasallam ke saath main bhi gaya , main ne dekha ke Nabi Karim salla Allahu alaihi wasallam piyala mein charon taraf kaddu talash karte thay (khane ke liye) bayan kiya ke isi din se kaddu mujhko bhi bahut bhane laga .

Hum se Abdullah bin Munir ne bayan kiya , unhon ne Abu Hatim Ash-hal ibn Hatim se suna , in se Ibn Aun ne bayan kiya , in se Sumama bin Anas ne aur in se Anas razi Allahu anhu ne bayan kiya ke main Nabi Karim salla Allahu alaihi wasallam ke saath Aap ke ek ghulam ke paas gaya jo darzi thay . Unhon ne Nabi Karim salla Allahu alaihi wasallam ke samne ek piyala pesh kiya jis mein sareed thu . Bayan kiya ke phir woh apne kaam mein lag gaye . Bayan kiya ke Nabi Karim salla Allahu alaihi wasallam is mein se kaddu talash karne lage kaha ke phir main bhi is mein se kaddu talash kar kar ke Nabi Karim salla Allahu alaihi wasallam ke samne rakhne laga . Bayan kiya ke is ke baad se main bhi kaddu bahut pasand karta hoon .

Hum se Amr bin Ali ne bayan kiya , kaha hum se Azhar bin Saad ne bayan kiya , in se Ibn Aun ne , in se Sumama bin Anas ne aur in se Anas razi Allahu anhu ne ke Rasool Allah salla Allahu alaihi wasallam apne ek darzi ghulam ke paas tashreef le gaye , phir Aap ki khidmat mein (paka hua) kaddu pesh kiya gaya aur Aap usay (raghbat ke saath) khane lage . Isi waqt se main bhi kaddu pasand karta hoon kyunke main ne usay Nabi Karim salla Allahu alaihi wasallam ko khate huay dekha hai .

Mujh se Abdullah bin Munir ne bayan kiya , unhon ne Nadr se suna , unhein Ibn Aun ne khabar di , kaha ke mujhe Sumama bin Abdullah bin Anas ne khabar di aur in se Anas razi Allahu anhu ne bayan kiya ke main nau-umr tha aur Rasool Allah salla Allahu alaihi wasallam ke saath rehta tha . Nabi Karim salla Allahu alaihi wasallam apne ek darzi ghulam ke paas tashreef le gaye . Woh ek piyala laya jis mein khana tha aur oopar kaddu ke qatlay thay . Aap kaddu talash karne lage . Anas razi Allahu anhu ne bayan kiya ke jab main ne yeh dekha to kaddu ke qatlay Aap ke samne jama kar ke rakhne laga . Anas razi Allahu anhu ne bayan kiya ke (piyala Nabi Karim salla Allahu alaihi wasallam ke samne rakhne ke baad) ghulam apne kaam mein lag gaya . Anas razi Allahu anhu ne bayan kiya ke isi waqt se main kaddu pasand karne laga , jab main ne Nabi Karim salla Allahu alaihi wasallam ka yeh amal dekha .

Hum se Abdullah bin Maslamah ne bayan kiya , in se Imam Malik bin Anas ne , in se Ishaq bin Abdullah bin Abi Talha ne , unhon ne Anas bin Malik razi Allahu anhu se suna ke ek darzi ne Rasool Allah salla Allahu alaihi wasallam ko khane ki dawat ki jo unhon ne Nabi Karim salla Allahu alaihi wasallam ke liye tayyar kiya tha . Main bhi Aap ke saath gaya . Nabi Karim salla Allahu alaihi wasallam ke samne jau ki roti aur shorba pesh kiya gaya . Jis mein kaddu aur khushk gosht ke tukre thay . Main ne dekha ke Nabi Karim salla Allahu alaihi wasallam piyale mein charon taraf kaddu talash kar rahe thay , isi din se main bhi kaddu pasand karne laga .

Hum se Ismail ne bayan kiya , kaha ke mujh se Imam Malik ne bayan kiya , in se Ishaq bin Abdullah bin Abi Talha ne , unhon ne Anas bin Malik razi Allahu anhu se suna ke ek darzi ne Rasool Allah salla Allahu alaihi wasallam ko khane ki dawat ki jo us ne Nabi Karim salla Allahu alaihi wasallam ke liye tayyar kiya tha . Anas razi Allahu anhu ne bayan kiya ke main bhi Nabi Karim salla Allahu alaihi wasallam ke saath is dawat mein gaya . Unhon ne Aap ki khidmat mein jau ki roti aur shorba , jis mein kaddu aur khushk kiya hua gosht tha , pesh kiya . Anas razi Allahu anhu ne kaha ke main ne dekha ke Nabi Karim salla Allahu alaihi wasallam piyale mein charon taraf kaddu talash kar rahe hain . Isi din se main bhi kaddu pasand karne laga . Sumama ne bayan kiya aur in se Anas razi Allahu anhu ne ke phir main Nabi Karim salla Allahu alaihi wasallam ke samne kaddu ke qatlay (talash kar kar ke) ikatthe karne laga .