Hum se Abu Nuaym ne bayan kiya , kaha hum se Malik ne bayan kiya , in se Sumay ne , in se Salih ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke safar azab ka ek tukra hai , jo insan ko sone aur khane se rok deta hai . Pas jab kisi shakhs ki safari zaroorat hasb e mansha poori ho jaye to usay jald hi ghar wapas aa jaana chahiye .

Hum se Abdullah Bin Maslamah Qanabi ne bayan kiya, un se Sumi ne, un se Abu Salih ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya safar azab ka ek tukra hai, aadmi ko khane peene aur sone (har ek cheez) se rok deta hai, is liye jab koi apni zaroorat poori kar chuke to furan ghar wapas aa jaye
.

Hum se Abdullah Bin Yusuf ne bayan kiya, unhon ne kaha hum ko Imam Malik ne khabar di, unhein Abu Bakr ke maula Sumi ne, unhein Abu Salih ne aur unhein Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya "Safar kya hai goya azab ka ek tukra hai, aadmi ki neend, khane pine sab mein rukawat paida karta hai. Is liye jab musafir apna kaam poora kar le to ise jaldi ghar wapas aa jana chahiye."
.