Hum se Muhammad bin Salam ne byaan kiya , kaha hum ko Waki ne khabar di , in se Ibn Uyaynah ne kaha ke mujh se Mamar ne byaan kiya ke in se Sawri ne poocha ke tum ne aise shakhs ke baare mein bhi suna hai jo apne ghar walon ke liye saal bhar ka ya saal se kam ka kharch jama kar le . Mamar ne byaan kiya ke is waqt mujhe yaad nahi aaya phir baad mein yaad aaya ke is baare mein ek hadees Ibn Shihab ne hamain se byaan ki ku , in se Malik bin Aus ne aur in se Ibn Umar razi Allahu anhuma ne ke Nabi Karim salla Allahu alaihi wasallam Bani Nadheer ke bagh ki khajoorein baich kar apne ghar walon ke liye saal bhar ki rozi jama kar diya karte thay .

Hum se Ali Bin Abdullah Madini ne bayan kiya, kaha hum se Sufyan Bin Uyainah ne bayan kiya, un se Amr Bin Dinar ne, un se Zuhri ne, un se Malik Bin Aus Bin Hadan ne aur un se Umar (Radi Allahu Anhu) ne bayan kiya ke Banu Nazeer ke baghat waghaira un amwal mein se thay jin ko Allah Ta'ala ne apne Rasul (Sallallahu Alaihi Wasallam) ko baghair lare de diya tha. Musalmanon ne un ke hasil karne ke liye ghore aur oont nahi doraye to ye amwal khaas taur se Rasul Allah (Sallallahu Alaihi Wasallam) hi ke thay jin mein se aap (Sallallahu Alaihi Wasallam) apni azwaj-e-mutahharat ko salana nafqah ke taur par bhi de dete thay aur baqi hathiyar aur ghoron par kharch karte thay taake Allah ke raste mein (jihad ke liye) har waqt tayyari rahe
.