Hum se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya , in se Zuhri ne , in se Abu Bakr bin Abdur Rahman ne aur in se Abu Masood razi Allahu anhu ne byaan kiya ke Nabi Karim salla Allahu alaihi wasallam ne kutte ki qeemat , kaahin ki kamayi aur zania aurat ke zina ki kamayi khane se mana farmaya .

Hum se Abu-al-Walid Hisham Bin Abdul Malik ne bayan kiya, un se Shuba ne bayan kiya, un se Aun Bin Abi Juhayfa ne bayan kiya ke mein ne apne walid ko ek pacha-na lagane wala ghulam khareedte dekha. Mein ne ye dekh kar un se is ke mutaliq poocha to unhon ne jawab diya ke Nabi Kareem (Sallallahu Alaihi Wasallam) ne kutte ki qeemat lene aur khoon ki qeemat lene se mana farmaya hai, aap ne godne wali aur gudwane wali ko (godna lagwane se) sood lene wale aur sood dene wale ko (sood lene ya dene se) mana farmaya aur tasveer banane wale par lanat bheji
.

Hum se Abdullah Bin Yusuf ne bayan kiya, kaha ke hum ko Imam Malik ne khabar di, unhein Ibn Shihab ne, unhein Abi Bakr Bin Abdur Rahman ne aur unhein Abu Masood Ansari (Radi Allahu Anhu) ne ke Rasul Allah (Sallallahu Alaihi Wasallam) ne kutte ki qeemat, zaniyah ki ujrat aur kahin ki ujrat se mana farmaya tha
.

Hum se Hajjaj Bin Minhal ne bayan kiya, un se Shuba ne bayan kiya, kaha ke mujhe Aun Bin Abi Juhaifah ne khabar di, kaha ke mein ne apne walid ko dekha ke ek pachhna lagane wale (ghulam) ko khareed rahe hain. Is par mein ne is ke mutalliq un se poocha to unhon ne kaha ke Rasul Allah (Sallallahu Alaihi Wasallam) ne khoon ki qeemat, kutte ki qeemat, bandi ki (najayez) kamayi se mana farmaya tha. Aur godne waliyon aur gadwane waliyon, sood lene walon aur dene walon par laanat ki thi aur tasveer banane wale par bhi laanat ki thi
.

Hum se Qutaiba Bin Saeed ne bayan kiya, unhon ne kaha ke hum se Imam Malik ne bayan kiya, un se Ibn Shihab ne bayan kiya, un se Abu Bakr Bin Abdur Rahman Bin Haris Bin Hisham ne bayan kiya, un se Abu Masood Ansari (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne kutte ki qeemat, zaniyah (ke zina) ki kharchi aur kahin ki mazdoori se mana farmaya
.

Hum se Abdullah bin Muhammad Musandi ne bayan kiya, kaha hum se Sufyan bin Uyaynah ne bayan kiya, in se Zuhri ne, in se Abu Bakr bin Abd-ur-Rahman bin Haris ne aur in se Abu Masood razi Allahu anhu ne ke Nabi Karim salla Allahu alaihi wasallam ne kutte ki qeemat, zina ki ujrat aur kaahin ki kahanat ki wajah se milne wale hadiya se mana farmaya hai.

Hum se Sulayman bin Harb ne bayan kiya, kaha hum se Shubah ne bayan kiya, in se Aun bin Abi Juhaifah ne bayan kiya ke main ne apne walid (Abu Juhaifah razi Allahu anhu) ko dekha, unhon ne kaha ke Nabi Karim salla Allahu alaihi wasallam ne khoon ki qeemat, kutte ki qeemat khane se mana farmaya aur sood lene wale aur dene wale, godne wali aur gudwane wali (par lanat bheji).

Hum se Muhammad bin Musanna ne bayan kiya, kaha hum se Ghundar ne bayan kiya, kaha hum se Shubah ne bayan kiya, in se Aun bin Abi Juhaifah ne aur in se un ke walid (Wahb bin Abdullah) ne ke unhon ne ek ghulam khareeda jo pachhna lagata tha phir farmaya ke Nabi Karim salla Allahu alaihi wasallam ne khoon nikaalne ki ujrat, kutte ki qeemat aur randi ki kamayi khane se mana farmaya hai aur Aap ne sood lene wale, dene wale, godne wali, gudwane wali aur murat banane wale par lanat bheji hai.