Hum se Ali bin Abdullah Madini ne byaan kiya , kaha hum se Sufyan bin Uyaynah ne byaan kiya ke Abu Hazim ne byaan kiya ke main ne Rasool Allah salla Allahu alaihi wasallam ke sahabi Sahl bin Saad Saadi razi Allahu anhu se suna , unhon ne byaan kiya ke Rasool Allah salla Allahu alaihi wasallam ne farmaya ke meri baisat Qayamat se itni qareeb hai jaise is ki is se (yani shahadat ki ungli beech ki ungli se) ya Nabi Karim salla Allahu alaihi wasallam ne farmaya (rawi ko shak thu) ke jaise yeh donon ungliyaan hain aur Aap ne shahadat ki aur beech ki ungliyon ko mila kar bataya .

Hum se Ahmad bin Miqdam ne byaan kiya , unhon ne kaha hum se Fudayl bin Sulayman ne byaan kiya , unhon ne kaha hum se Abu Hazim ne byaan kiya , unhon ne kaha hum se Sahl bin Saad razi Allahu anhu ne byaan kiya ke main ne Rasool Allah salla Allahu alaihi wasallam ko dekha kaha Aap apni beech ki ungli aur angoothe ke qareeb wali ungli ke isharay se farma rahe thay ke main aise waqt mein maboos hua hoon ke mere aur Qayamat ke darmiyan sirf in do ke barabar fasla hai .

Hum se Saeed bin Abi Maryam ne bayan kiya , kaha hum se Abu Ghassan ne bayan kiya , kaha hum se Abu Hazim ne bayan kiya , in se Sahl razi Allahu anhu ne bayan kiya ke Rasool Allah salla Allahu alaihi wasallam ne farmaya ”main aur Qayamat itne nazdeek nazdeek bheje gaye hain aur Nabi Karim salla Allahu alaihi wasallam ne apni do ungliyon ke isharah se (is nazdeeki ko) bataya phir in donon ko phailaya .“

Mujh se Abdullah bin Muhammad Jafi ne bayan kiya , kaha hum se Wahb bin Jareer ne bayan kiya , kaha hum se Shubah ne bayan kiya , in se Qatadah aur Abu al-Tay-yah ne aur in se Anas razi Allahu anhu ke Nabi Karim salla Allahu alaihi wasallam ne farmaya ”main aur Qayamat in donon (ungliyon) ki tarah (nazdeek nazdeek) bheje gaye hain .“

Mujh se Yahya bin Yusuf ne bayan kiya , kaha hum ko Abu Bakr bin Ay-yash ne khabar di , unhein Abu Haseen ne , unhein Abu Salih ne , unhein Abu Hurairah razi Allahu anhu ne aur in se Nabi Karim salla Allahu alaihi wasallam ne farmaya ”main aur Qayamat in do ki tarah bheje gaye hain . Aap ki murad do ungliyon se thi .“ Abu Bakr bin Ay-yash ke saath is hadees ko Israeel ne bhi Abu Haseen se riwayat kiya hai .