Hum se Abdullah bin Muhammad Musandi ne byaan kiya , kaha hum se Abu Aamir Abdul Malik bin Amr ne byaan kiya , kaha hum se Ibrahim bin Tahman ne byaan kiya , in se Khalid Hazza ne , in se Ikrimah ne aur in se Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne Bayt-ullah ka tawaf apne oont par sawar ho kar kiya aur Nabi Karim salla Allahu alaihi wasallam jab bhi rukn ke paas aate to is ki taraf isharah kar ke takbeer kehte aur Zaynub bint Jahsh razi Allahu anha ne byaan kiya ke Nabi Karim salla Allahu alaihi wasallam ne farmaya ke Yajooj Majooj ke diwar mein itna surakh ho gaya hai aur Aap ne apni ungliyon se nawway ka adad banaya .

Hum se Ahmad bin Salih aur Yahya bin Sulayman ne byaan kiya , unhon ne byaan kiya ke hum se Abdullah bin Wahab ne byaan kiya , kaha ke humein Yunus ne Ibn Shihab se khabar di , unhein Ubaidullah bin Abdullah ne aur un se Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne Hajjat-ul-Wada ke mauqe par apni oontni par tawaf kiya tha aur Aap salla Allahu alaihi wasallam Hajr-e-Aswad ka istilam ek chhari ke zariya kar rahe thay aur is chhari ko choomte thay . Aur Yunus ke saath is hadees ko Dara-wardi ne Zuhri ke bhatije se riwayat kiya aur unhon ne apne chacha (Zuhri) se .

Humey Muslim Bin Ibrahim ne bayan kiya, kaha hum se Wuhaib ne, un se Ibn Taoos ne, un se un ke walid Taoos ne, un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Allah Paak ne Yaajooj Maajooj ki deewar se itna khool diya hai", phir Aap (Sallallahu Alaihi Wasallam) ne apni ungliyon se nawway ka adad bana kar batlaya
.

`Hum se Musa bin Ismail ne bayan kiya, kaha hum se Wuhaib bin Khalid ne bayan kiya, un se Abdullah bin Taus ne bayan kiya, un se un ke walid ne aur un se Abu Hurairah Radi Allahu Anhu ne ke Nabi Kareem صلی اللہ علیہ وسلم ne farmaya ” «Sadd» yaani Yajuj Majuj ki deewar itni khul gayi hai.“ Wuhaib ne nabbay ka ishaara kar ke batlaya.