Hum se Umar bin Hafs bin Ghiyas ne byaan kiya , kaha hum se hamare walid ne byaan kiya , kaha hum se Aamash ne byaan kiya , kaha hum se Muslim bin Sabeeh ne byaan kiya , un se Masrooq ne aur un se Aisha razi Allahu anha ne byaan kiya ke Rasool Allah salla Allahu alaihi wasallam ne hamain ikhtiyar diya tha aur hum ne Allah aur us ke Rasool ko hi pasand kiya tha lekin is ka hamare haq mein koi shumar (talaq) mein nahi hua tha .

Hum se Musaddad bin Musarhad ne byaan kiya , kaha hum se Yahya bin Qattan ne byaan kiya , in se Ismail bin Abi Khalid ne , kaha hum se Aamir ne byaan kiya , in se Masrooq ne byaan kiya ke main ne Aisha razi Allahu anha se ”ikhtiyar“ ke mutalliq sawal kiya to unhon ne kaha ke Nabi Karim salla Allahu alaihi wasallam ne hamain ikhtiyar diya tha to kya mahz yeh ikhtiyar talaq ban jata . Masrooq ne kaha ke ikhtiyar dene ke baad agar tum mujhe pasand kar leti ho to is ki koi haisiyat nahi , chahe main ek martaba ikhtiyar doon ya sau martaba (talaq nahi ho gi) .

Aur Layth bin Saad ne Nafi se byaan kiya ke Abdullah bin Umar razi Allahu anhuma se agar aise shakhs ka masla poocha jata jis ne apni biwi ko teen talaq di hoti , to woh kehte agar tu ek baar ya do baar talaq deta to ruju kar sakta tha kyunke Nabi Karim salla Allahu alaihi wasallam ne mujhko aisa hi hukm diya tha lekin jab tu ne teen talaq de di to woh aurat ab tujh par haram ho gayi yahan tak ke woh tere siwa aur kisi shakhs se nikah kare .