Hum se Muhammad bin Muqatil Marwazi ne byaan kiya, kaha hum ko Abdullah bin al-Mubarak ne khabar di, kaha hum ko Aasim bin Sulayman ne khabar di, unhein Aamir Shabi ne aur un se Jabir bin Abdullah Ansari razi Allahu anhuma ne byaan kiya ke Rasool Allah salla Allahu alaihi wasallam ne farmaya ke agar tum mein se koi shakhs zyada dinon tak apne ghar se door ho to yak-ayak raat ko apne ghar mein na aa jaye.

Hum se Musaddad ne bayan kiya , kaha ke hum se Abdul Aziz bin Mukhtar ne bayan kiya , kaha ke hum se Khalid Haza ne Ikrama se , unhon ne bayan kiya ke mujh se aur apne sahbzaday Ali se Ibn Abbas raziyallahu anhuma ne kaha ke Abu Saeed Khudri raziyallahu anhu ki khidmat mein jao aur un ki ahadees suno . Hum gaye . Dekha ke Abu Saeed raziyallahu anhu apne bagh ko durust kar rahe thay . Hum ko dekh kar aap ne apni chadar sambhali aur got maar kar baith gaye . Phir hum se hadees bayan karne lage . Jab masjid Nabwi ke banane ka zikr aaya to aap ne bataya ke hum to masjid ke banane mein hissa lete waqt ek ek eent uthate . Lekin Ammar do do eenten utha rahe thay . Nabi Karim salla Allahu alaihi wa sallam ne unhein dekha to un ke badan se mitti jharne lage aur farmaya , afsos! Ammar ko ek baghi jamaat qatl kare gi . Jisay Ammar jannat ki dawat denge aur woh jamaat Ammar ko jahannam ki dawat de rahi ho gi . Abu Saeed Khudri raziyallahu anhu ne bayan kiya ke Ammar raziyallahu anhu kehte thay ke mein fitnon se Allah ki panah mangta hun .

Hum se Musa Bin Ismail ne bayan kiya, kaha hum se Hammam ne bayan kiya, un se Ishaq Bin Abdullah Bin Abi Talha ne bayan kiya, un se Anas (Radi Allahu Anhu) ne bayan kiya ke Rasul Allah (Sallallahu Alaihi Wasallam) (safar se) raat ko ghar nahi pohanchte thay ya subah ke waqt pohanch jate ya dopahar baad (zawal se le kar ghuroob-e-aftab tak kisi bhi waqt tashreef late)
.

Hum se Muslim Bin Ibrahim ne bayan kiya, kaha hum se Shuba ne bayan kiya, un se Muharib Bin Dithar ne aur un se Jabir (Radi Allahu Anhu) ne ke Rasul Allah (Sallallahu Alaihi Wasallam) ne (safar se) ghar raat ke waqt utarne se mana farmaya
.

Hum se Adam bin Abi Iyas ne byaan kiya, kaha hum se Shubah ne byaan kiya, kaha hum se Muharib bin Disaar ne byaan kiya, kaha ke main ne Jabir bin Abdullah razi Allahu anhuma ne suna, unhon ne byaan kiya ke Rasool Allah salla Allahu alaihi wasallam kisi shakhs se raat ke waqt apne ghar (safar se achanaak) aane par napasandidgi ka izhaar farmate thay.

Hum se Muhammad bin Waleed ne byaan kiya, kaha hum se Muhammad bin Jafar ne byaan kiya, kaha hum se Shubah ne byaan kiya, in se Sayyar ne, un se Shabi ne aur un se Jabir bin Abdullah razi Allahu anhuma ne ke Nabi Karim salla Allahu alaihi wasallam (Ghazwa Tabook se wapsi ke waqt) farmaya, jab raat ke waqt tum Madinah mein pahuncho to is waqt tak apne gharon mein na jaana jab tak un ki biwiyaan jo Madinah Munawwarah mein maujood nahi thay, apna mu-e-zer-e-naaf saaf na kar lein aur jin ke baal paraganda hon woh kangha na kar lein. Jabir razi Allahu anhu ne byaan kiya ke Rasool Allah salla Allahu alaihi wasallam ne farmaya ke phir zaroori hai ke jab tum ghar pahuncho to khoob khoob «kaysu» kijo. Shabi ke saath is hadees ko Ubaidullah ne bhi Wahb bin Kaysan se, unhon ne Jabir razi Allahu anhu se, unhon ne Nabi Karim salla Allahu alaihi wasallam se riwayat kiya, is mein bhi «kaysu» ka zikr hai.