Hum se Ali bin Abdullah Madini ne byaan kiya , kaha hum se Marhoom bin Abdul Aziz Basri ne byaan kiya , kaha ke main ne Sabit Banani se suna , unhon ne byaan kiya ke main Anas razi Allahu anhu ke paas tha aur un ke paas in ki beti bhi thien . Anas razi Allahu anhu ne byaan kiya ke ek khatoon Rasool Allah salla Allahu alaihi wasallam ki khidmat mein apne aap ko Aap salla Allahu alaihi wasallam ke liye pesh karne ki gharz se hazir huien aur arz kiya: ya Rasool Allah! kiya Aap ko meri zaroorat hai ? Is par Anas razi Allahu anhu ki beti bolien ke woh kaisi be-haya aurat thi . Haye , be-sharmi! Haye be-sharmi! Anas razi Allahu anhu ne in se kaha woh tum se behtar thien , un ko Nabi Karim salla Allahu alaihi wasallam ki taraf raghbat thi , is liye unhon ne apne aap ko Nabi Karim salla Allahu alaihi wasallam ke liye pesh kiya .

Hum se Musaddad ne bayan kiya, kaha hum se Marhoom bin Abd-ul-Aziz ne bayan kiya, unhon ne kaha ke main ne kaha ke main ne Sabit se suna aur unhon ne Anas razi Allahu anhu se suna, unhon ne bayan kiya ke ek khatoon Nabi Karim salla Allahu alaihi wasallam ki khidmat mein hazir huien aur apne Aap ko Nabi Karim salla Allahu alaihi wasallam ke nikah ke liye pesh kiya aur arz kiya: kiya Nabi Karim salla Allahu alaihi wasallam ko mujh se nikah ki zaroorat hai? Is par Anas razi Allahu anhu ki sahibzadi bolien, woh kitni be-haya ku. Anas razi Allahu anhu ne kaha ke woh tum se to achhi thien unhon ne apne Aap ko Nabi Karim salla Allahu alaihi wasallam ke nikah ke liye pesh kiya.