Hum se Abdullah bin Abi al-Aswad ne byaan kiya, kaha hum se Abdul Aziz bin Abdus Samad al-Ammi ne byaan kiya, kaha hum se Abu Imran al-Jawni ne byaan kiya, un se Abu Bakr bin Abdullah bin Qays ne aur un se un ke walid (Abdullah bin Qays Abu Musa Ash'ari) ne ke Rasool Allah salla Allahu alaihi wasallam ne farmaya ke (jannat mein) do bagh hon ge jin ke bartan aur tamam doosri cheezin chaandi ki hon gi aur do doosre bagh hon ge jin ke bartan aur tamam doosri cheezin sone ke hon ge aur Jannat e Adn se jannatiyon ke apne Rabb ke deedar mein koi cheez siwaye kibriyai ki chadar ke jo is ke munh par ho gi, haail na ho gi.

Aur momin un ke paas baari baari jayein ge aur do bagh hon ge jin ke bartan aur tamam doosri cheezin chaandi ki hon gi aur aise bhi do bagh hon ge jab ke bartan aur tamam doosri cheezin sone ki hon gi. Jannat e Adn walon ko Allah Paak ke deedar mein sirf ek jalal ki chadar haail ho gi jo is ke (mubarak) munh par pari ho gi.

Hum se Ali bin Abdullah Madini ne bayan kiya, unhon ne kaha hum se Abd-ul-Aziz bin Abd-ul-Samad ne bayan kiya, in se Abu Imran ne, in se Abu Bakr bin Abdullah bin Qays ne, in se in ki walid ne ke Nabi Karim salla Allahu alaihi wasallam ne farmaya ”do jan-natein aaisi hon gi jo khud aur is mein saara saman chaandi ka ho ga aur do jan-natein aaisi hon gi jo khud aur is ka saara saman sone ka ho ga aur Jannat e Adn mein qaum aur Allah ke deedar ke darmiyan sirf chadar e kibriya-i rukawat ho gi jo Allah Rabb-ul-Izzat ke munh par pari ho gi.“