Hum se Abdullah bin Muhammad ne byaan kiya, kaha hum se Yunus bin Muhammad ne byaan kiya, kaha hum se Shayban ne byaan kiya, un se Qatadah ne aur un se Anas razi Allahu anhu ne byaan kiya ke Makkah walon ne Nabi Karim salla Allahu alaihi wasallam se mujiza dikhane ko kaha to Nabi Karim salla Allahu alaihi wasallam ne unhein chaand ke phat jaane ka mujiza dikhaya.

Mujh se Abdullah bin Muhammad Musnadi ne bayan kiya, kaha hum se Yunus bin Yazid ne bayan kiya, kaha hum se Shaiban ne bayan kiya, un se Qatadah ne aur un se Anas bin Malik Radi Allahu Anhu ne (doosri sanad) Imam Bukhari Rahimahullah ne kaha aur mujh se Khalifah bin Khayyat ne bayan kiya, kaha hum se Yazid bin Zurai ne bayan kiya, un se Sa'id ne bayan kiya, un se Qatadah ne aur un se Anas bin Malik Radi Allahu Anhu ne bayan kiya ke Makkah walon ne Rasoolullah Sallallahu Alaihi Wa Sallam se kaha tha ke unhein koi moajiza dikhayein to Aap Sallallahu Alaihi Wa Sallam ne Shaq-ul-Qamar ka moajiza yani chand ka phat jana un ko dikhaya.