Hum se Hajjaj bin Minhal ne byaan kiya , kaha hum se Mutamir bin Sulayman ne byaan kiya , kaha ke main ne apne walid Sulayman se suna , unhon ne Abu Mijlaz se sun kar kaha ke yeh khud un (Abu Mijlaz) ka qaul hai , un se Qays bin Abbad ne aur un se Ali bin Abi Talib razi Allahu anhu ne byaan kiya ke main pehla shakhs hoon ga . Jo Rahman ke huzoor mein Qayamat ke din apna dawa pesh karne ke liye chahar zaanu baithoon ga . Qays ne kaha ke Aap hi logon ke baare mein yeh aayat nazil hui thi «hazhaani khasmaani-khtasamoo fee rabbihim» ke yeh do fareeq hain jinon ne apne Parvardigar ke baare mein jhagra kiya“ byaan kiya ke yahi woh log hain jinon ne Badr ki larai mein dawat e muqabla di thi . Yani (Musalmanon ki taraf se) Ali , Hamzah aur Ubaydah razi Allahu anhum ne aur (kuffar ki taraf se) Shaybah bin Rabiah , Utbah bin Rabiah aur Waleed bin Utbah ne .

Hum se Qabeesah ne bayan kiya, ke hum se Sufyan Suri ne bayan kiya, un se Abu Hashim ne, un se Abu Mijlaz ne, un se Qais Bin Ubad aur un se Abu Zar Radi Allahu Anhu ne bayan kiya aayat-e-karima «Hazaani khasmani-khtasamu fi Rabbihim» ”Ye do fareeq hain jinhon ne Allah ke bare mein muqabla kiya“ Quraish ke chay shakhson ke bare mein nazil hui thi (teen musalmanon ki taraf ke yani Ali, Hamza aur Ubaidah Bin Haris Radi Allahu Anhum aur (teen kuffar ki taraf ke yani) Shaibah Bin Rabeeah, Utbah Bin Rabeeah aur Walid Bin Utbah
.