Hum se Nasr bin Ali bin Nasr ne byaan kiya , kaha hum se Abdullah bin Dawood ne byaan kiya , un se Ibn Jurayj ne , un se Ibn Abi Mulaykah ne ke do auratein kisi ghar ya hujra mein baith kar mauze banaya karti thien . In mein se ek aurat bahar nikli is ke hath mein mauze seene ka suwa chubh-o diya gaya tha . Is ne doosri aurat par dawa kiya . Yeh muqadma Ibn Abbas razi Allahu anhuma ke paas aaya to unhon ne kaha ke Rasool Allah salla Allahu alaihi wasallam ne farmaya tha ke agar sirf dawa ki wajah se logon ka mutalba maan liya jaane lage to bahut son ka khoon aur maal barbad ho jaye ga . Jab gawah nahi hai to doosri aurat ko jis par yeh ilzam hai , Allah se darao aur is ke samne yeh aayat parho «innallazhina yashtaroona biahdillahi» chunanche jab logon ne usay Allah se daraya to us ne iqrar kar liya . Ibn Abbas razi Allahu anhuma ne kaha ke Nabi Karim salla Allahu alaihi wasallam ne farmaya hai , qasam muddai-alayh par hai . Agar woh jhooti qasam kha kar kisi ka maal harap kare ga to us ko is waeed ka misdaq qarar diya jaye ga jo aayat mein byaan ki gayi hai .

Hum se Khallad Bin Yahya ne bayan kiya, kaha hum se Nafi Bin Umar ne bayan kiya, un se Ibn Abi Mulaika ne ke mein ne Abdullah Bin Abbas (Radi Allahu Anhuma) ki khidmat mein (do auraton ke muqadma mein) likha to is ke jawab mein unhon ne tehrer farmaya ke Nabi Kareem (Sallallahu Alaihi Wasallam) ne faisla kiya tha ke (agar muddayi gawah na pesh kar sake) to mudda-alai-hi se qasam li jaye gi
.