Hum se Abdullah bin Muhammad Musandi ne byaan kiya , kaha hum se Yazid bin Haroon ne byaan kiya , un se Hisham bin Hassan ne byaan kiya , un se Muhammad bin Sireen ne , un se Ubaydah ne aur un se Ali razi Allahu anhu ne byaan kiya ke Nabi Karim salla Allahu alaihi wasallam ne farmaya . (doosri sanad) Imam Bukhari ne kaha ke mujh se Abdur Rahman bin Bashir bin Hakam ne byaan kiya , kaha hum se Yahya bin Saeed Qattan ne byaan kiya , un se Hisham bin Hassan ne , kaha ke mujh se Muhammad bin Sireen ne byaan kiya , un se Ubaydah bin Amr ne aur un se Ali razi Allahu anhu ne ke Nabi Karim salla Allahu alaihi wasallam ne Ghazwa Khandaq ke mauqa par farmaya tha , in kuffar ne hamain darmiyani namaz nahi parhne di , yahan tak ke sooraj ghuroob ho gaya , Allah un ki qabron aur gharon ko ya un ke peeton ko aag se bhar de . Qabron aur gharon ya peeton ke lafzon mein shak Yahya bin Saeed rawi ki taraf se hai .

Hum se Ibrahim Bin Musa ne bayan kiya, kaha hum ko Isa ne khabar di, kaha hum se Hisham ne bayan kiya, un se Muhammad ne, un se Ubaida ne aur un se Ali (Radi Allahu Anhu) ne bayan kiya ke Ghazwah-e-Ahzab (khandaq) ke mauqe par Rasul Allah (Sallallahu Alaihi Wasallam) ne (mushrikeen ko) ye bad-dua di ke ae Allah! In ke gharon aur qabron ko aag se bhar de. Unhon ne hum ko Salat-ul-Wusta (Asr ki namaz) nahi parhne di (ye aap (Sallallahu Alaihi Wasallam) ne is waqt farmaya) jab sooraj ghuroob ho chuka tha aur Asr ki namaz qaza ho gayi thi
.

Hum se Ishaq Bin Mansoor ne bayan kiya ‘ kaha hum se Rauh Bin Ubadah ne bayan kiya ‘ un se Hisham Bin Hassan ne bayan kiya ‘ un se Muhammad Bin Sirin ne ‘ un se Ubaida Salmani ne aur un se Ali Radi Allahu Anhu ne bayan kiya ke Nabi Kareem Sallallahu Alaihi Wasallam ne Ghazwa Khandaq ke mauqe par farmaya ke jis tarah in kuffar ne humein Salawatul Wusta (namaz-e-asar) nahi parhne di aur sooraj ghuroob ho gaya ‘ Allah Ta'ala bhi in ki qabron aur gharon ko aag se bhar de
.

Hum se Muhammad bin Musanna ne bayan kiya, unhon ne kaha hum se Ansari ne bayan kiya, in se Hisham bin Hassan ne bayan kiya, kaha hamase Muhammad bin Sireen ne bayan kiya, in se Ubaidah ne bayan kiya, kaha hamase Ali bin Abi Talib razi Allahu anhu ne bayan kiya ke Ghazwa e Khandaq ke mauqa par hum Rasool Allahsalla Allahu alaihi wasallam ke saath thay. Nabi Karim salla Allahu alaihi wasallam ne farmaya ”Allah in ki qabron aur in ke gharon ko aag se bhar de. Unhon ne hamain «salaat-ul-wustaa» (Asr ki namaz) nahi parhne di jab tak ke sooraj ghuroob ho gaya aur yeh Asr ki namaz ku.“