Hum se Muhammad bin Bashar ne byaan kiya , kaha hum se Muhammad bin Jafar ne byaan kiya , kaha hum se Shubah ne byaan kiya , kaha ke main ne Abu Ishaq se suna , unhon ne Silah bin Zufar se aur un se Abu Huzayfah razi Allahu anhu ne byaan kiya ke Ahl e Najran Nabi Karim salla Allahu alaihi wasallam ki khidmat mein hazir huay aur arz kiya ke hamare saath koi amanat-dar aadmi bhejiye . Nabi Karim salla Allahu alaihi wasallam ne farmaya ke main tumhare saath aisa aadmi bhejoon ga jo har haisiyat se amanat-dar ho ga . Sahabah razi Allahu anhum muntazir thay , aakhir Aap salla Allahu alaihi wasallam ne Abu Ubaydah bin al-Jarrah razi Allahu anhu ko bheja .

Hum se Amr bin Ali ne bayan kiya, kaha hum se Abdula'la ne bayan kiya, kaha hum se Khalid ne bayan kiya, in se Abu Qulaba ne bayan kiya, aur in se Anas bin Malik Radi Allahu Anhu ne bayan kiya ke Rasoolullah Sallallahu Alaihi Wa Sallam ne farmaya ke har ummat mein ameen hote hain aur is ummat ke ameen Abu Ubaidah bin al-Jarrah hain.

Hum se Muslim bin Ibrahim ne bayan kiya, kaha hum se Shu'bah ne bayan kiya, in se Abu Ishaq ne, in se Silah ne aur in se Hudhaifah Radi Allahu Anhu ne bayan kiya ke Nabi Kareem Sallallahu Alaihi Wa Sallam ne ahl-e-Najran se farmaya ke mein tumhare yahan ek ameen ko bhejunga jo haqeeqi mainon mein ameen hoga. Yeh sun kar tamam Sahaba Kiram Radi Allahu Anhum ko shouq hua lekin Aap Sallallahu Alaihi Wa Sallam ne Abu Ubaidah Radi Allahu Anhu ko bheja.

Mujh se Abbas bin Husain ne byaan kiya , kaha hum se Yahya bin Adam ne byaan kiya , un se Israeel ne , un se Abu Ishaq ne , un se Silah bin Zufar ne aur un se Huzayfah razi Allahu anhu ne byaan kiya ke Najran ke do sardar Aqib aur Sayyid , Rasool Allah salla Allahu alaihi wasallam se mubaahala karne ke liye aaye thay lekin ek ne apne doosre saathi se kaha ke aisa na karo kyunke Allah ki qasam! Agar yeh Nabi huay aur phir bhi hum ne un se mubaahala kiya to hum panap nahi sakte aur na hamare baad hamari naslein reh sakein gi . Phir in donon ne Nabi Karim salla Allahu alaihi wasallam se kaha ke jo kuch Aap maangein hum jizyah dene ke liye tayyar hain . Aap hamare saath koi ameen bhej dijiye , jo bhi aadmi hamare saath bhejein woh ameen hona zaroori hai . Nabi Karim salla Allahu alaihi wasallam ne farmaya ke main tumhare saath ek aisa aadmi bhejoon ga jo amanat-dar ho ga balkay poora poora amanat-dar ho ga . Sahabah razi Allahu anhum Nabi Karim salla Allahu alaihi wasallam ke muntazir thay , Aap ne farmaya ke Abu Ubaydah bin al-Jarrah! Utho . Jab woh kharay huay to Nabi Karim salla Allahu alaihi wasallam ne farmaya ke yeh is ummat ke ameen hain .

Hum se Abu al-Waleed ne byaan kiya , kaha hum se Shubah ne byaan kiya , un se Khalid ne , un se Abu Qulabah ne aur un se Anas razi Allahu anhu ne ke Nabi Karim salla Allahu alaihi wasallam ne farmaya ”Har ummat mein ameen (amanatdar) hote hain aur is ummat ke ameen Abu Ubaydah bin al-Jarrah hain .“

`Hum se Sulaiman bin Harb ne bayan kiya, kaha hum se Shu'ba bin Hajjaj ne bayan kiya, kaha hum se Abu Ishaq ne, un se Silla bin Zufar ne aur un se Huzaifa Radi Allahu Anhu ne ke Nabi Kareem صلی اللہ علیہ وسلم ne ahl-e-Najran se farmaya ”Mein tumhare paas ek amanat-dar aadmi jo haqiqi amanat-dar ho ga bhejoon ga.“ Nabi Kareem صلی اللہ علیہ وسلم ke sahabah muntazir rahe (ke kaun is sifat se mausof hai) to Aap ne Abu Ubaida Radi Allahu Anhu ko bheja.

`Hum se Sulaiman bin Harb ne bayan kiya, unhon ne kaha hum se Shu'ba ne bayan kiya, un se Khalid bin Mihran ne bayan kiya, un se Abu Qulaba ne aur un se Anas Radi Allahu Anhu ne ke Nabi Kareem صلی اللہ علیہ وسلم ne farmaya ”Har ummat mein ek amanat-dar hota hai aur is ummat ke amanat-dar Abu Ubaida ibn al-Jarrah Radi Allahu Anhu hain.“