Mujh se Muhammad bin Bashar ne byaan kiya , kaha hum se Ghundar ne byaan kiya , kaha hum se Shubah ne byaan kiya , un se Abu Bishr ne aur un se Mujahid ne ke main ne Ibn Umar razi Allahu anhuma se arz kiya ke mera irada hai ke main mulk e Sham ko hijrat kar jaon , farmaya: ab hijrat baqi nahi rahi , jihad hi baqi reh gaya hai . Is liye jao aur khud ko pesh karo . Agar tum ne kuch pa liya to behtar warna wapas aa jana .

Mujh se Ishaq Bin Yezid Dimashqi ne bayan kiya, unhon ne kaha hum se Yahya Bin Hamza ne bayan kiya, unhon ne kaha ke mujh se Abu Amr Awzai ne bayan kiya, unhon ne kaha ke hum se Abdah Bin Abi Lubabah ne bayan kiya, un se Mujahid Bin Jabr Makki ne bayan kiya ke Abdullah Bin Umar Radi Allahu Anhuma kaha karte thay ke fatah-e-Makkah ke baad (Makkah se Madinah ki taraf) hijrat baqi nahi rahi
.