Mujh se Muhammad Bin Alaa ne bayan kiya ‘ kaha hum se Abu Usama ne bayan kiya ‘ kaha hum se Buraid Bin Abdullah ne bayan kiya ‘ in se Abu Burda ne aur in se Abu Musa Ash'ari Radi Allahu Anhu ne bayan kiya ke jab humein Nabi Kareem Sallallahu Alaihi Wasallam ki hijrat ke mutaliq khabar mili to hum Yaman mein thay. Is liye hum bhi Nabi Kareem Sallallahu Alaihi Wasallam ki khidmat mein hijrat ki niyat se nikal pare. Mein aur mere do bhai ‘ mein dono se chhota tha. Mere ek bhai ka naam Abu Burda Radi Allahu Anhu tha aur dusre ka Abu Ruhm. Unhon ne kaha ke kuch upar pachaas ya unhon ne yun bayan kiya ke tirepan (53) ya bawan (52) meri qaum ke log sath thay. Hum kashti par sawar hue lekin hamari kashti ne humein Najashi ke mulk Habsha mein la dala. Wahan hamari mulaqat Jafar Bin Abi Talib Radi Allahu Anhu se ho gayi ‘ jo pehle hi Makka se hijrat kar ke wahan pahunch chuke thay. Hum ne wahan unhi ke sath qayam kiya ‘ phir hum sab Madina sath ravana hue. Yahan Nabi Kareem Sallallahu Alaihi Wasallam ki khidmat mein is waqt pahunche jab Aap Khaibar fatah kar chuke thay. Kuch log hum kashti walon se kehne lage ke hum ne tum se pehle hijrat ki hai aur Asma Bint-e-Umais Radi Allahu Anha jo hamare sath Madina ayi thin ‘ Umm-ul-Momineen Hafsa Radi Allahu Anha ki khidmat mein hazir huin ‘ in se mulaqat ke liye wo bhi Najashi ke mulk mein hijrat karne walon ke sath hijrat kar ke chali gayi thin. Umar Radi Allahu Anhu bhi Hafsa Radi Allahu Anha ke ghar pahunche. Is waqt Asma Bint-e-Umais Radi Allahu Anha wahin thin. Jab Umar Radi Allahu Anhu ne unhein dekha to daryaft farmaya ke ye kaun hain? Umm-ul-Momineen Radi Allahu Anha ne bataya ke Asma Bint-e-Umais. Umar Radi Allahu Anhu ne is par kaha accha wahi jo Habsha se bahri safar kar ke ayi hain. Asma Radi Allahu Anha ne kaha ke ji haan. Umar Radi Allahu Anhu ne in se kaha ke hum tum logon se hijrat mein aage hain is liye Rasul Allah Sallallahu Alaihi Wasallam se hum tumhare muqabla mein zyada qareeb hain. Asma Radi Allahu Anha is par bahut gussa ho gayin aur kaha hargiz nahi: Allah ki qasam! Tum log Rasul Allah Sallallahu Alaihi Wasallam ke sath rahe ho ‘ tum mein jo bhooke hote thay ise Aap Sallallahu Alaihi Wasallam khana khilate thay aur jo nawaqif hote ise Aap Sallallahu Alaihi Wasallam nasihat-o-mauizat kiya karte thay. Lekin hum bahut dur Habsha mein ghairon aur dushmanon ke mulk mein rehte thay ‘ ye sab kuch hum ne Allah aur is ke Rasul ke raste hi mein to kiya aur Allah ki qasam! Mein is waqt tak na khana khaoongi na pani piyoon gi jab tak tumhari baat Rasul Allah Sallallahu Alaihi Wasallam se na keh loon. Humein aziyat di jati thi ‘ dhumkaya daraya jata tha. Mein Nabi Kareem Sallallahu Alaihi Wasallam se is ka zikr karungi aur Aap se is ke mutaliq poochoongi. Allah ki qasam na mein jhoot bolungi ‘ na kajj ravi ikhtiyar karungi aur na kisi (khilaf-e-waqia baat ka) izafa karungi
.

Hum se Muhammad Bin Ala ne bayan kiya, kaha hum se Abu Usama ne bayan kiya, un se Buraid Bin Abdullah ne bayan kiya, un se Abu Burdah ne aur un se Abu Musa Ashari (Radi Allahu Anhu) ne ke Nabi Kareem (Sallallahu Alaihi Wasallam) ki hijrat ki khabar humein mili, to hum Yemen mein thay. Is liye hum bhi Aap ki khidmat mein muhajir ki haisiyat se hazir hone ke liye rawana hue. Mein tha, mere bhai thay. (Meri umar un dono se kam thi, dono bhaiyon mein) ek Abu Burdah (Radi Allahu Anhu) thay aur doosre Abu Ruhm. Ya unhon ne ye kaha ke apni qaum ke chand afrad ke sath ya ye kaha tirpan ya bawan aadmiyon ke sath (ye log rawana hue thay) hum kashti mein sawar hue to hamari kashti Najashi ke mulk Habsha pahunch gayi aur wahan humein Jafar Bin Abi Talib (Radi Allahu Anhu) apne doosre sathiyon ke sath mile. Jafar (Radi Allahu Anhu) ne kaha ke Rasul Allah (Sallallahu Alaihi Wasallam) ne humein yahan bheja tha aur hukm diya tha ke hum yahin rahein. Chunanche hum bhi wahin thehar gaye. Aur phir sab ek sath (Madinah) hazir hue, jab hum khidmat-e-Nabwi mein pahunche, to Aap (Sallallahu Alaihi Wasallam) Khaibar fatah kar chuke thay. Lekin Aap (Sallallahu Alaihi Wasallam) ne (doosre mujahidon ke sath) hamara bhi hissa mal-e-ghaneemat mein lagaya. Ya unhon ne ye kaha ke Aap ne ghaneemat mein se humein bhi ata farmaya, halanke Aap (Sallallahu Alaihi Wasallam) ne kisi aise shakhs ka ghaneemat mein hissa nahi lagaya jo ladai mein shareek na raha ho. Sirf unhi logon ko hissa mila tha, jo ladai mein shareek thay. Albatta hamari kashti ke sathiyon aur Jafar aur un ke sathiyon ko bhi Aap ne ghaneemat mein shareek kiya tha (halanke hum log ladai mein shareek nahi hue thay)
.