Hum se Nasr Bin Ali ne bayan kiya, kaha ke mujhe mere walid ne khabar di, unhein Qurrah Bin Khalid ne, unhein Qatada ne aur unhon ne Anas Radi Allahu Anhu se suna ke Nabi Kareem Sallallahu Alaihi Wasallam ne farmaya ”Uhud pahar hum se muhabbat rakhta hai aur hum is se muhabbat rakhte hain“
.

Hum se Abdul Aziz Bin Abdullah ne bayan kiya, kaha hum se Muhammad Bin Jafar ne bayan ka, un se Mutallib Bin Hantab ke maula Amr Bin Abi Amr ne aur unhon ne Anas Bin Malik (Radi Allahu Anhu) se suna, aap bayan karte thay ke mein Rasul Allah (Sallallahu Alaihi Wasallam) ke sath Khaibar (ghazwah ke mauqe par) gaya, mein aap (Sallallahu Alaihi Wasallam) ki khidmat kiya karta tha, phir jab aap (Sallallahu Alaihi Wasallam) wapas hue aur Uhud pahar dikhayi diya to aap (Sallallahu Alaihi Wasallam) ne farmaya ke ye wo pahar hai jis se hum mohabbat karte hain aur wo hum se mohabbat karta hai. Is ke baad aap (Sallallahu Alaihi Wasallam) ne apne hath se Madinah ki taraf ishara kar ke farmaya. Ae Allah! Mein is ke donon pathrele maidanon ke darmiyan ke khitte ko hurmat wala qarar deta hoon, jis tarah Ibrahim (Alaihis Salam) ne Makkah ko hurmat wala shehr qarar diya tha, ae Allah! Hamare saa aur hamare mudd mein barkat ata farma
.

Hum se Abdullah Bin Muslima ne bayan kiya, in se Imam Maalik ne, in se Muttalib ke azad-karda ghulam Amr Bin Abi Amr ne aur in se Anas Bin Malik (Radi Allahu Anhu) ne ke Rasul Allah (Sallallahu Alaihi Wasallam) ne Uhud pahad ko dekh kar farmaya ke ye pahad hum se muhabbat rakhta hai aur hum is se muhabbat rakhte hain. Ae Allah! Ibrahim Alaihis Salam ne Makkah Mukarrama ko hurmat wala shehar qarar diya tha aur mein Madinah ke do pathreela ilaqe ke darmiyani ilaqe ke hisse ko hurmat wala qarar deta hoon. Is hadees ko Abdullah Bin Zaid (Radi Allahu Anhu) ne bhi Nabi Kareem (Sallallahu Alaihi Wasallam) se riwayat kiya hai
.

Hum se Abdullah Bin Yusuf Tannisi ne bayan kiya, kaha hum ko Imam Malik ne khabar di, unhein Muttalib ke ghulam Amr Bin Abi Amr ne aur unhein Anas Bin Malik Radi Allahu Anhu ne ke Rasul Allah Sallallahu Alaihi Wasallam ko (Khaibar se wapas hote hue) Uhud pahar dikhayi diya to Aap Sallallahu Alaihi Wasallam ne farmaya ”Ye pahar hum se muhabbat rakhta hai aur hum is se muhabbat rakhte hain. Ai Allah! Ibrahim Alaihis Salam ne Makka ko hurmat wala shehar qarar diya tha aur mein in do pathreele maidanon ke darmiyan wale ilaqe (Madina Munawwarah) ko hurmat wala shehar qarar deta hoon“
.

`Hum se Ismail ne bayan kiya, kaha mujh se Imam Malik ne bayan kiya, un se Muttalib ke mola Amr ne aur un se Anas bin Malik Radi Allahu Anhu ne ke Uhud pahad Rasul Allah صلی اللہ علیہ وسلم ko (raste mein) dikhayi diya to aap صلی اللہ علیہ وسلم ne farmaya ke yeh wo pahad hai jo hum se muhabbat rakhta hai aur hum is se muhabbat rakhte hain. Ae Allah! Ibrahim Alaihis Salam ne Makkah ko hurmat wala qarar diya tha aur mein Tere hukm se is ke donon pathrele kinaron ke darmiyani ilaqa ko hurmat wala qarar deta hoon. Is riwayat ki mutabi'at Sahl Radi Allahu Anhu ne Nabi Kareem صلی اللہ علیہ وسلم se Uhud ke mutalliq ki hai.