Hum se Qutaiba Bin Saeed ne bayan kiya, kaha hum se Laith ne bayan kiya, un se Ibn Shihab ne, un se Abdur Rahman Bin Kaab Bin Malik ne aur unhein Jabir Bin Abdullah (Radi Allahu Anhuma) ne khabar di ke Rasul Allah Sallallahu Alaihi Wasallam ne Uhud ke shuhada ko ek hi kapre mein do do ko kafan diya aur Aap Sallallahu Alaihi Wasallam daryaft farmate ke in mein Quran ka aalim sab se zyada kaun hai? Jab kisi ek ki taraf ishara kar ke Aap ko bataya jata to lahad mein Aap Sallallahu Alaihi Wasallam unhi ko aage farmate. Aap Sallallahu Alaihi Wasallam ne farmaya ke qayamat ke din mein in sab par gawah rahoonga. Phir Aap ne tamam shuhada ko khoon samait dafan karne ka hukm farma diya aur in ki namaz-e-janaza nahi parhi aur na unhein ghusal diya gaya
.

Hum se Abdullah bin Yusuf ne byaan kiya ‘ unhon ne kaha ke hum se Layth bin Saad ne byaan kiya ‘ unhon ne kaha ke mujh se Ibn Shihab ne byaan kiya ‘ un se Abdur Rahman bin Ka'ab bin Malik ne ‘ un se Jabir bin Abdullah razi Allahu anhuma ne ke Nabi Karim salla Allahu alaihi wasallam ne Uhud ke do do shaheedon ko mila kar ek hi kapray ka kafan diya . Aap salla Allahu alaihi wasallam daryaft farmate ke in mein Quran kise zyada yaad hai . Kisi ek ki taraf ishaara se bataya jata to Aap salla Allahu alaihi wasallam baghli qabr mein isi ko aage karte aur farmate ke main Qayamat mein in ke haq mein shahadat doon ga . Phir Aap salla Allahu alaihi wasallam ne sab ko un ke khoon samait dafan karne ka hukm diya . Na unhein ghusl diya gaya aur na un ki namaaz-e-janaza parhi gayi .