Mujh se Amr Bin Ali ne bayan kiya, kaha hum se Abu Asim ne bayan kiya, kaha hum se Ibn Juraij ne bayan kiya, un se Amr Bin Dinar ne, un se Ikrima ne aur un se Abdullah Bin Abbas (Radi Allahu Anhuma) ne bayan kiya ke Allah Ta'ala ka intehayi ghazab is shakhs par nazil hua jise Allah ke nabi ne qatl kiya tha. Allah Ta'ala ka intehayi ghazab is shakhs par nazil hua jis ne (yani Abdullah Bin Qami'ah ne la'natullah alaihi) Rasul Allah Sallallahu Alaihi Wasallam ke chehra-e-mubarak ko khoon alood kiya tha
.

Mujh se Makhlad Bin Malik ne bayan kiya, kaha hum se Yahya Bin Saeed Umawi ne bayan kiya, kaha hum se Ibn Juraij ne bayan kiya, un se Amr Bin Dinar ne bayan kiya, un se Ikrima ne aur un se Abdullah Bin Abbas (Radi Allahu Anhuma) ne bayan kiya ke Allah Ta'ala ka is shakhs par intehayi ghazab nazil hua jise Allah ke nabi ne qatl kiya tha. Allah Ta'ala ka intehayi ghazab is qaum par nazil hua jinhon ne Allah ke nabi ke chehra-e-mubarak ko (Ghazwa Uhud ke mauqe par) khoon alood kar diya tha
.