Mujh se Ishaq Bin Mansoor ne bayan kiya, kaha hum se Abdur Razzaq ne bayan kiya, kaha hum ko Ma'mar ne khabar di, unhein Zuhri, unhein Muhammad Bin Jubair, un se in ke walid ne bayan kiya ke Nabi Kareem Sallallahu Alaihi Wasallam se mein ne suna, aap Maghrib ki namaz mein Surah-at-Toor ki tilawat kar rahe thay, ye pehla mauqa tha jab mere dil mein iman ne qarar pakra
.

Hum se Abul Waleed Hisham bin Abdul Malik ne byaan kiya , kaha ke hum se Shubah ne byaan kiya Adi bin Thabit se , unhon ne byaan kiya ke main ne Bara bin Aazib se suna ke main ne Rasool Allah salla Allahu alaihi wasallam se suna . Aap salla Allahu alaihi wasallam safar mein thay ke Isha ki do pehli rakaton mein se kisi ek rakat mein Aap salla Allahu alaihi wasallam ne «Wat teeni waz zaytoon» parhi .

Mujh se Mahmud Bin Ghaylan ne bayan kiya, kaha hum se Abdur Razzaq ne bayan kiya, kaha hum ko Ma'mar ne khabar di, unhein Zuhri ne, unhein Muhammad Bin Jubair ne, unhein un ke baap (Jubair Bin Mut'im Radi Allahu Anhu) ne wo Badr ke qaidiyon ko chudane Nabi Kareem (Sallallahu Alaihi Wasallam) ke paas aaye (wo abhi Islam nahi laye thay) unhon ne bayan kiya ke mein ne suna ke Nabi Kareem (Sallallahu Alaihi Wasallam) ne Maghrib ki namaz mein Surah At-Tur parhi
.

Hum se Humaydi ne byaan kiya , kaha hum se Sufyan ne byaan kiya , kaha ke mujh se mere as-haab ne Zuhri ke wasta se byaan kiya , un se Muhammad bin Jubayr bin Mut'im ne aur un se un ke walid Jubayr bin Mut'im razi Allahu anhu ne byaan kiya ke main ne Nabi Karim salla Allahu alaihi wasallam se suna . Aap salla Allahu alaihi wasallam Maghrib ki namaz mein Surah wat-Toor parh rahe thay . Jab Aap Surah wat-Toor is aayat par pahunche «am khuliqoo min ghayri shay'in am humul khaaliqoona * am khalaqus-samawati wal arda bal la yooqinoona * am indahum khaza'inu rabbika am humul musaitiroona» ”kya yeh log baghair kisi ke paida kiye paida ho gaye ya yeh khud (apne) khaliq hain ? Ya unhon ne aasman aur zameen ko paida kar liya hai . Asal yeh hai ke in mein yaqeen hi nahi . Kya in logon ke paas Aap ke Parvardigar ke khazane hain ya yeh log hakim hain .“ To mera dilli urnay laga . Sufyan ne byaan kiya lekin main ne Zuhri se suna hai woh Muhammad bin Jubayr bin Mut'im se riwayat karte thay , un se un ke walid (Jubayr bin Mut'im razi Allahu anhu) ne byaan kiya ke main ne Nabi Karim salla Allahu alaihi wasallam ko Maghrib mein Surah wat-Toor parhte suna (Sufyan ne kaha ke) meere sathiyon ne is ke baad jo izafa kiya hai woh main ne Zuhri se nahi suna .