Mujh se Yaqub Bin Ibrahim ne bayan kiya, kaha hum se Ibn Alaiyyah ne bayan kiya, kaha hum se Sulaiman Taimi ne bayan kiya, kaha hum se Anas Radi Allahu Anhu ne bayan kiya ke Rasul Allah Sallallahu Alaihi Wasallam ne Badr ki larai ke din farmaya ”kaun dekh kar aaye ga ke Abu Jahl ke sath kya hua? Abdullah Bin Masood Radi Allahu Anhu is ke liye rawanah hue aur dekha ke Afra ke dono beton ne ise qatl kar diya hai aur is ki laash thanda hone wali hai. Unhon ne poocha, Abu Jahl tum hi ho? Ibn Alaiyyah ne bayan kiya ke Ibn Masood Radi Allahu Anhu ne poocha tha ke tu Abu Jahl hai? Is par is ne kaha, kya is se bhi bara koi ho ga jise tum ne aaj qatl kar diya hai? Sulaiman ne bayan kiya, kaha ke ya is ne yun kaha, ”jise is ki qaum ne qatl kar diya hai? (Kya is se bhi bara koi ho ga) kaha ke Abu Mijlaz ne bayan kiya ke Abu Jahl ne kaha, kash! Ek kisan ke siwa mujhe kisi aur ne maara hota
.

Hum se Ahmad Bin Yunus ne bayan kiya, kaha hum se Zuhair ne bayan kiya, kaha hum se Sulaiman Taimi ne bayan kiya, un se Anas Radi Allahu Anhu ne kaha ke Nabi Kareem Sallallahu Alaihi Wasallam ne farmaya (aur doosri sanad) Imam Bukhari Rahimahullah ne farmaya, mujh se Amr Bin Khalid ne bayan kiya, hum se Zuhair Bin معاویہ ne bayan kiya, un se Sulaiman Taimi ne aur un se Anas Bin Malik Radi Allahu Anhu ne ke Nabi Kareem Sallallahu Alaihi Wasallam ne farmaya ”koi hai jo maloom kare ke Abu Jahl ka kya hashar hua?“ Ibn Masood Radi Allahu Anhu haqiqat-e-haal maloom karne aaye to dekha ke Afra ke beton (Muaz aur Muawwaz Radi Allahu Anhuma) ne ise qatl kar diya hai aur is ka jism thanda para hai. Unhon ne daryaft kiya, kya tu hi Abu Jahl hai? Anas Radi Allahu Anhu ne bayan kiya ke phir Ibn Masood Radi Allahu Anhu ne is ki darhi pakar li. Abu Jahl ne kaha, kya is se bhi bara koi aadmi hai jise tum ne aaj qatl kar dala hai? Ya (is ne ye kaha ke kya is se bhi bara) koi aadmi hai jise is ki qaum ne qatl kar dala hai? Ahmad Bin Yunus ne (apni riwayat mein) «Anta Abu Jahal» ke alfaz bayan kiye hain. Yani unhon ne ye poocha, kya tu hi Abu Jahl hai
.

Mujh se Muhammad Bin Musanna ne bayan kiya, hum se Ibn Abi Adi ne bayan kiya, un se Sulaiman Taimi aur un se Anas Bin Malik Radi Allahu Anhu ne ke Nabi Kareem Sallallahu Alaihi Wasallam ne Badr ki larai ke din farmaya ”Kaun dekh kar aaye ga ke Abu Jahl ka kya hua?“ Ibn Masood Radi Allahu Anhu maloom karne gaye to dekha ke Afra ke dono larkan ne ise qatl kar diya tha aur is ka jism thanda para hai. Unhon ne is ki darhi pakar kar kaha, tu hi Abu Jahl hai? Us ne kaha, kya is se bhi bara koi aadmi hai jise aaj is ki qaum ne qatl kar dala hai ya (is ne yun kaha ke) tum logon ne ise qatl kar dala hai? Mujh se Ibn Musanna ne bayan kiya, hum ko Muaz Bin Muaz ne khabar di, kaha hum se Sulaiman ne bayan kiya aur unhein Anas Bin Malik Radi Allahu Anhu ne khabar di, isi tarah aage hadees bayan ki
.

Hum se Ali Bin Abdullah ne bayan kiya, unhon ne kaha ke mein ne Yusuf Bin Majashoon se ye hadees likhi, unhon ne Salih Bin Ibrahim se bayan kiya, unhon ne apne walid se unhon ne Salih ke dada (Abdur Rahman Bin Auf) se, Badr ke bare mein Afra ke dono beton ki hadees murad lete thay
.