Hum se Ali Bin Abdullah-al-Madini ne bayan kiya, kaha hum se Sufyan Bin Uyainah ne bayan kiya, un se Amr Bin Dinar ne, unhon ne Abu Minhal (Abdur Rahman Bin Mut'im) se suna, Abdur Rahman Bin Mut'im ne bayan kiya ke mere ek sajhi ne bazaar mein chand dirham udhaar farokht kiye, mein ne is se kaha: Subhan Allah! Kya ye jaiz hai? Unhon ne kaha: Subhan Allah, Allah ki qasam! Mein ne bazaar mein ise becha to kisi ne bhi qabil-e-itiraz nahi samjha. Mein ne Bara Bin Azib Radi Allahu Anhu se is ke mutaliq poocha to unhon ne bayan kiya ke Nabi Kareem Sallallahu Alaihi Wasallam jab (hijrat kar ke) tashreef laye to is tarah khreed o farokht kiya karte thay. Nabi Kareem Sallallahu Alaihi Wasallam ne farmaya ke khreed o farokht ki is surat mein agar mamla dast ba dast (naqd) ho to koi muzaiqa nahi lekin agar udhaar par mamla kiya to phir ye surat jaiz nahi aur Zaid Bin Arqam se bhi mil kar is ke mutaliq pooch lo kyunke wo hum mein bare saudagar thay. Mein ne Zaid Bin Arqam se poocha to unhon ne bhi yahi kaha ke Sufyan ne ek martaba yun bayan kiya ke Nabi Kareem Sallallahu Alaihi Wasallam jab hamare yahan Madinah tashreef laye to hum (is tarah ki) khreed o farokht kiya karte thay aur bayan kiya ke udhaar mausam tak ke liye ya (yun bayan kiya ke) hajj tak ke liye
.

Hum se Abu Asim ne bayan kiya, unhon ne kaha ke hum se Ibn Juraij ne bayan kiya, ke mujhe Amr Bin Dinar ne khabar di aur un se Abu-al-Minhal ne bayan kiya ke mein sone chandi ki tijarat kiya karta tha. Is liye mein ne Zaid Bin Arqam (Radi Allahu Anhu) se is ke mutaliq poocha to unhon ne bayan kiya ke Rasul Allah (Sallallahu Alaihi Wasallam) ne farmaya. Aur mujh se Fazal Bin Yaqub ne bayan kiya, kaha ke hum se Hajjaj Bin Muhammad ne bayan kiya ke Ibn Juraij ne bayan kiya ke mujhe Amr Bin Dinar aur Aamir Bin Mus'ab ne khabar di, un donon hazraat ne Abu-al-Minhal se suna. Unhon ne bayan kiya ke mein ne Bara Bin Azib aur Zaid Bin Arqam (Radi Allahu Anhuma) se sone chandi ki tijarat ke mutaliq poocha, to un donon buzurgon ne farmaya ke hum Nabi Kareem (Sallallahu Alaihi Wasallam) ke ahd mein tajir thay, is liye hum ne Aap (Sallallahu Alaihi Wasallam) se sone chandi ke mutaliq poocha tha. Aap (Sallallahu Alaihi Wasallam) ne jawab ye diya tha ke (lein dein) hathon hath ho to koi haraj nahi lekin udhaar ki soorat mein jaiz nahi hai
.

Hum se Abu Asim ne bayan kiya, unhon ne kaha ke hum se Ibn Juraij ne bayan kiya, ke mujhe Amr Bin Dinar ne khabar di aur un se Abu-al-Minhal ne bayan kiya ke mein sone chandi ki tijarat kiya karta tha. Is liye mein ne Zaid Bin Arqam (Radi Allahu Anhu) se is ke mutaliq poocha to unhon ne bayan kiya ke Rasul Allah (Sallallahu Alaihi Wasallam) ne farmaya. Aur mujh se Fazal Bin Yaqub ne bayan kiya, kaha ke hum se Hajjaj Bin Muhammad ne bayan kiya ke Ibn Juraij ne bayan kiya ke mujhe Amr Bin Dinar aur Aamir Bin Mus'ab ne khabar di, un donon hazraat ne Abu-al-Minhal se suna. Unhon ne bayan kiya ke mein ne Bara Bin Azib aur Zaid Bin Arqam (Radi Allahu Anhuma) se sone chandi ki tijarat ke mutaliq poocha, to un donon buzurgon ne farmaya ke hum Nabi Kareem (Sallallahu Alaihi Wasallam) ke ahd mein tajir thay, is liye hum ne Aap (Sallallahu Alaihi Wasallam) se sone chandi ke mutaliq poocha tha. Aap (Sallallahu Alaihi Wasallam) ne jawab ye diya tha ke (lein dein) hathon hath ho to koi haraj nahi lekin udhaar ki soorat mein jaiz nahi hai
.