Hum se Abdul Aziz Bin Abdullah Uwaisi ne bayan kiya, unhon ne kaha mujh se Ibrahim Bin Saad ne bayan kiya, unhon ne kaha ke hum se Ibn Shihab ne bayan kiya, un se Salama Bin Abdur Rahman aur un se Abu Hurairah Radi Allahu Anhu ne bayan kiya ke Nabi Kareem Sallallahu Alaihi Wasallam ne jang-e-Hunain ka qasd kiya to farmaya ”in sha Allah kal hamara qiyam Khaif Bani Kinanah mein ho ga.“ Jahan mushrikeen ne kafir hi rehne ke liye ahad o paiman kiya tha
.

Hum se Asbagh bin Faraj ne byaan kiya , unhon ne kaha ke mujhe Abdullah bin Wahab ne khabar di , unhein Yunus ne , unhein Ibn Shihab ne , unhein Ali bin Husain ne , unhein Amru bin Uthman ne aur unhein Usama bin Zaid razi Allahu anhuma ne ke unhon ne poocha Ya Rasool Allah! Aap Makka mein kya apne ghar mein qiyam farma-yeinge . Is par Aap salla Allahu alaihi wasallam ne farmaya ke Aqeel ne hamare liye muhalla ya makaan chhora hi kab hai . (Sab baich khoch kar barabar kar diye) Aqeel aur Talib , Abu Talib ke waaris hue thay . Jafar aur Ali razi Allahu anhuma ko wirasat mein kuch nahi mila tha , kyunke yeh dono musalman ho gaye thay aur Aqeel razi Allahu anhu (ibtida mein) aur Talib Islam nahi laye thay . Isi buniyaad par Umar bin Khattab razi Allahu anhu farmaya karte thay ke musalman kafir ka waaris nahi hota . Ibn Shihab ne kaha ke log Allah Ta'ala ke is irshad se daleel lete hain ke ”Jo log imaan laye , hijrat ki aur apne maal aur jaan ke saath Allah ki raah mein jihad kiya aur woh log jinhon ne panah di aur madad ki , wahi ek doosre ke waaris honge .“

Hum se Abul Yaman ne byaan kiya , kaha ke humein Shuayb ne khabar di , unhein Zuhri ne kaha ke mujh se Abu Salamah ne byaan kiya , un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam ne jab (Mina se loutte hue Hajjat-ul-Wada ke mauqe par) Makka aane ka irada kiya to farmaya ke kal Insha-Allah hamara qiyam isi Khaif-e-Bani Kinana (yani Muhassab) mein ho ga jahan (Quraish ne) kufr par are rehne ki qasam khayi thi .

Hum se Humaidi ne byaan kiya , unhon ne kaha ke hum se Waleed bin Muslim ne byaan kiya , unhon ne kaha ke hum se Imam Awzai ne byaan kiya , unhon ne kaha ke mujh se Zuhri ne byaan kiya , un se Abu Salamah ne byaan kiya aur un se Abu Hurairah razi Allahu anhu ne byaan kiya ke gyarahvin ki subah ko jab Nabi Karim salla Allahu alaihi wasallam Mina mein thay to yeh farmaya tha ke kal hum Khaif-e-Bani Kinana mein qiyam kareinge jahan Quraish ne kufr ki hamayat ki qasam khayi thi . Aap salla Allahu alaihi wasallam ki muraad Muhassab se thi kyunke yahin Quraish aur Kinana ne Banu Hashim aur Banu Abdul Muttalib ya (rawi ne) Banu-ul-Muttalib (kaha) ke khilaf half uthaya tha ke jab tak woh Nabi Karim salla Allahu alaihi wasallam ko in ke hawala na kar dein , in ke yahan shaadi biyah na kareinge aur na in se khareed o farokht kareinge . Aur Salamah bin Rooh ne Aqeel aur Yahya bin Dahhak se riwayat kiya , un se Imam Awzai ne byaan kiya ke mujhe Ibn Shihab ne khabar di , unhon ne (apni riwayat mein) Banu Hashim aur Banu-ul-Muttalib kaha . Abu Abdullah (Imam Bukhari rahmatullah alaihi) ne kaha ke Banu-ul-Muttalib zyada sahih hai .

Hum se Mahmud Bin Ghaylan ne bayan kiya, unhon ne kaha hum ko Abdur Razzaq ne khabar di, unhon ne kaha hum ko Ma'mar ne khabar di unhein Zuhri ne, unhein Ali Bin Husain ne, unhein Amr Bin Usman Bin Affan (Radi Allahu Anhu) ne aur un se Usama Bin Zaid (Radi Allahu Anhuma) ne bayan kiya ke mein ne Hajjat-ul-Wada ke mauqa par arz kiya, Ya Rasul Allah! Kal Aap (Makkah mein) kahan qayam farmayenge? Aap (Sallallahu Alaihi Wasallam) ne farmaya! Aqeel ne hamare liye koi ghar chhoda hi kab hai. Phir farmaya ke kal hamara qayam Haneef Bin Kinana ke maqam Muhassab mein hoga, jahan par Quraish ne kufr par qasam khayi thi. Waqiya ye hua tha ke Bani Kinana aur Quraish ne (yahin par) Bani Hashim ke khilaf is baat ki qasamein khayi theen ke na un se khareed-o-farokht ki jaye aur na unhein apne gharon mein aane dein. Zuhri ne kaha ke Khaif wadi ko kehte hain
.

Hum se Abu al-Yaman ne byaan kiya ‘ unhon ne kaha hum se Shuayb ne byaan kiya ‘ unhon ne kaha hum se Abu al-Zinad ne byaan kiya ‘ un se Abdur Rahman ne aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ”In sha Allah hamari qiyam gah agar Allah Ta'ala ne fatah inayat farmayi to Khayf Bani Kinanah mein ho gi . Jahan Quraysh ne kufr ki himayat ke liye qasam khayi thi .“

Hum se Musa bin Ismail ne byaan kiya ‘ unhon ne kaha hum se Ibrahim bin Saad ne byaan kiya ‘ unhon ne kaha hum ko Ibn Shihab ne khabar di ‘ unhein Abu Salamah ne aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam ne jab Hunayn ka irada kiya to farmaya ”In sha Allah kal hamara qiyam Khayf Bani Kinanah mein ho ga jahan Quraysh ne kufr ke liye qasam khayi thi .“

Hum se Abu al-Yaman ne bayan kiya , unhon ne kaha hum se Ibn Wahb ne bayan kiya , unhon ne kaha mujhko Yunus ne Ibn Shihab se khabar di , unhon ne Abu Salamah bin Abd-ur-Rahman se , unhon ne Abu Hurairah razi Allahu anhuse riwayat kiya , unhon ne Rasool Allah salla Allahu alaihi wasallam se riwayat kiya ke Aap ne (Hajjat-ul-Wada ke mauqa par) farmaya ke hum kal In sha Allah Khaif , Banu Kinanah mein qiyam karein ge jahan ek zamana mein kuffar e Makkah ne kufr hi par qaim rehne ki aapas mein qasmein khayiein thien Aap ki murad Waadi e Muhas-sab se ku .