Hum se Adam ne bayan kiya, kaha hum se Shuba ne bayan kiya, kaha (Imam Bukhari Rahimahullah ne) aur hum se Amr ne bayan kiya, kaha hum ko Shuba ne khabar di, unhein Amr Bin Murrah ne, unhein Murrah ne aur unhein Abu Musa Ashari Radi Allahu Anhu ne ke Nabi Kareem Sallallahu Alaihi Wasallam ne farmaya " Mardon mein to bahut se kamil paida hue lekin aurton mein Maryam Bint Imran, Firaun ki biwi Asiyah ke siwa aur koi kamil paida nahi hui, aur Aisha ki fazilat aurton par aisi hai jaise sareed ki fazilat baqiya tamam khanon par hai. "
.

Hum se Yahya Bin Jafar ne bayan kiya unhon ne kaha hum se Wakee ne bayan kiya un se Shuba ne bayan kiya un se Amr Bin Murrah ne un se Murrah Hamdani ne aur un se Abu Musa (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Mardon mein to bahut se kamil log uthe lekin auraton mein Firaun ki biwi Asiya aur Maryam Bint-e-Imran (Alaihimas Salam) ke siwa aur koi kamil nahi paida hui han auraton par Aisha (Radi Allahu Anha) ki fazeelat aisi hai jaise tamam khanon par thareed ki fazeelat hai."

Hum se Muhammad bin Bashar ne bayan kiya , unhon ne kaha hum se Ghundar ne bayan kiya , in se Shubah ne bayan kiya , in se Amr bin Murrah Jamli ne bayan kiya , in se Murrah Hamdani ne , in se Abu Musa Ash'ari razi Allahu anhu ne bayan kiya ke Nabi Karim salla Allahu alaihi wasallam ne farmaya ke mardon mein to bahut se kaamil huay lekin auraton mein Maryam bint Imran aur Firaun ki biwi Aasiya ke siwa aur koi kaamil nahi hua aur Aisha ki fazeelat tamam auraton par aaisi hai jaise tamam khanon par sareed ki fazeelat hai .