Aur aap ne farmaya ke Quran Majeed char aadmiyon se seekho, Abdullah Bin Masood, Abu Huzaifah ke Maula Salim, Ubayy Bin Kab aur Muaz Bin Jabal (Radi Allahu Anhum) se
.

Hum se Abdan ne bayan kiya, un se Abu Hamzah ne, un se Amash ne, un se Abu Wail ne, un se Masrooq ne aur un se Abdullah Bin Amr (Radi Allahu Anhuma) ne bayan kiya ke Rasul Allah (Sallallahu Alaihi Wasallam) bad-zaban aur larnay jhagarnay wale nahi thay. Aap (Sallallahu Alaihi Wasallam) farmaya karte thay ke tum mein sab se behtar wo shakhs hai jis ke akhlaq sab se acche hon (jo logon se kushada peshani se pesh aaye)
.

Hum se Sulaiman Bin Harb ne bayan kiya, kaha hum se Shuba ne bayan kiya, un se Amr Bin Murrah ne, un se Ibrahim ne aur un se Masruq ne ke Abdullah Bin Amr Radi Allahu Anhuma ke yahan Abdullah Bin Masood ka zikr hua to unhon ne kaha mein un se hamesha mohabbat rakhoon ga kyunke mein ne Rasul Allah Sallallahu Alaihi Wasallam ko ye farmate suna hai ke char ashkhash se Quran seekho. Abdullah Bin Masood, Aap Sallallahu Alaihi Wasallam ne ibtida Abdullah Bin Masood Radi Allahu Anhu se hi ki aur Abu Huzaifah ke Maula Salim, Ubayy Bin Kab aur Muaz Bin Jabal se, unhon ne bayan kiya ke mujhe poori tarah yaad nahi ke Nabi Kareem Sallallahu Alaihi Wasallam ne pehle Ubayy Bin Kab ka zikr kiya ya Muaz Bin Jabal Radi Allahu Anhu ka
.

Mujh se Muhammad Bin Bashar ne bayan kiya, unhon ne kaha hum se Ghundar ne bayan kiya, kaha hum se Shuba ne bayan kiya, un se Amr ne, un se Ibrahim ne, un se Masruq ne aur un se Abdullah Bin Amr Radi Allahu Anhuma ne bayan kiya ke mein ne Nabi Kareem Sallallahu Alaihi Wasallam se suna Aap Sallallahu Alaihi Wasallam ne farmaya " Quran char (Sahaba) Abdullah Bin Masood, Abu Huzaifah ke ghulam Salim aur Ubayy Bin Kab aur Muaz Bin Jabal (Radi Allahu Anhum) se seekho. "
.

Hum se Abu-ul-Walid ne bayan kiya, kaha hum se Shuba ne bayan kiya, un se Amr Bin Murrah ne, un se Ibrahim ne, un se Masruq ne bayan kiya ke Abdullah Bin Amr Radi Allahu Anhuma ki majlis mein Abdullah Bin Masood Radi Allahu Anhu ka zikr aaya to unhon ne kaha ke is waqt se in ki mohabbat mere dil mein baith gayi jab se mein ne Rasul Allah Sallallahu Alaihi Wasallam ko ye farmate suna ke Quran char aadmiyon se seekho, Abdullah Bin Masood se, Nabi Kareem Sallallahu Alaihi Wasallam ne unhein ke naam se ibtida ki, aur Abu Huzaifah ke ghulam Salim se, Muaz Bin Jabal se aur Ubayy Bin Kab se
.

Mujh se Muhammad Bin Bashar ne bayan kiya, kaha hum se Yahya ne bayan kiya, kaha hum se Shuba ne bayan kiya, un se Qatadah ne aur un se Anas Bin Malik Radi Allahu Anhu ne ke Nabi Kareem Sallallahu Alaihi Wasallam ke zamane mein char aadmi jin sab ka talluq qabila Ansar se tha, Quran Majeed jama karne wale thay. Ubayy Bin Kab, Muaz Bin Jabal, Abu Zaid aur Zaid Bin Sabit Radi Allahu Anhum mein ne poocha: Abu Zaid kaun hain? Unhon ne farmaya ke wo mere ek chacha hain
.

Hum se Hafs bin Umar ne byaan kiya , kaha hum se Shubah ne byaan kiya , un se Amr bin Murrah ne , un se Ibrahim Nakhai ne , un se Masrooq ne ke Abdullah bin Amr bin al-Aas ne Abdullah bin Masood razi Allahu anhu ka zikr kiya aur kaha ke is waqt se in ki mohabbat mere dil mein ghar kar gayi hai jab se main ne Nabi Karim salla Allahu alaihi wasallam ko yeh kehte huay suna ke Quran Majeed ko char as-haab se haasil karo jo Abdullah bin Masood , Salim , Maaz aur Ubayy bin Kabb hain .

Hum se Umar bin Hafs bin Ghiyas ne bayan kiya, kaha mujh se mere walid ne bayan kiya, kaha hum se Aamash ne bayan kiya, kaha mujh se Shaqeeq ne bayan kiya, in se Masrooq ne bayan kiya ke hum Abdullah bin Amr ke paas baithe huay thay, woh hamase baatein kar rahe thay isi dauran unhon ne bayan kiya ke Rasool Allahsalla Allahu alaihi wasallam na bad-go thay na bad-zabani karte thay (ke munh se gaaliyaan nikaalein) balkay Aap salla Allahu alaihi wasallam farmaya karte thay ke tum mein sab se zyada behtar woh hai jis ke akhlaq sab se achhe hon.