Hum se Yahya bin Qaza'ah ne bayan kiya, kaha hum se Ibrahim bin Sa'd ne bayan kiya, in se Zuhri ne, in se Urwah ne aur in se Aisha Radi Allahu Anha ne bayan kiya ke ek qafa-shinas mere yahan aaya. Nabi Kareem Sallallahu Alaihi Wa Sallam is waqt wahin tashreef rakhte thay aur Usama bin Zaid aur Zaid bin Harithah (ek chadar mein) laite hue thay. (munh aur jism ka sara hissa qadmon ke siwa chupa hua tha) is qafa-shinas ne kaha ke yeh paon baaz, baaz se nikle hue maloom hote hain. (yani baap bete ke hain) qafa-shinas ne phir bataya ke Nabi Kareem Sallallahu Alaihi Wa Sallam is ke is andaze par bahut khush hue aur phir Aap ne Aisha Radi Allahu Anha se bhi yeh waqia bayan farmaya.

Hum se Yahya Bin Musa ne bayan kiya, kaha hum se Abdur Razzaq ne bayan kiya, kaha hum se Ibn Juraij ne bayan kiya, kaha ke mujhe Ibn Shihab ne khabar di, unhein Urwah ne aur unhein Aisha (Radi Allahu Anha) ne ek martaba Rasul Allah (Sallallahu Alaihi Wasallam) un ke yahan bahut hi khush khush dakhil hue, khushi aur masarrat se peshani ki lakirein chamak rahi thien. Phir Aap (Sallallahu Alaihi Wasallam) ne farmaya "Aisha! Tum ne suna nahi Mujazziz Mudliji ne Zaid-o-Usamah ke sirf qadam dekh kar kya baat kahi? Is ne kaha ke ek ke paon doosre ke paon se milte hue nazar aate hain
."

Hum se Qutaybah bin Saeed ne bayan kiya , kaha hum se Layth ne bayan kiya , in se Ibn Shihab ne , in se Urwah ne aur in se Aisha razi Allahu anha ne bayan kiya ke Rasool Allah salla Allahu alaihi wasallam meere yahan ek martaba bahut khush khush tashreef laaye . Aap salla Allahu alaihi wasallam ka chehra chamak raha thu . Nabi Karim salla Allahu alaihi wasallam ne farmaya ”tum ne nahi dekha , Mujaz-zhiz (ek qiyafa-shinas) ne abhi abhi Zayd bin Harisa aur Usamah bin Zayd razi Allahu anhuma ke (sirf paon dekhe) aur kaha ke yeh paon ek doosre se talluq rakhte hain .“

Hum se Qutaybah bin Saeed ne bayan kiya , unhon ne kaha hum se Sufyan ne bayan kiya , in se Zuhri ne bayan kiya , in se Urwah ne aur in se Umm al-Momineen Aisha razi Allahu anha ne bayan kiya ke ek din Rasool Allah salla Allahu alaihi wasallam meere yahan tashreef laaye , Aap salla Allahu alaihi wasallam bahut khush thay aur farmaya ”Aisha! tum ne dekha nahi , Mujaz-zhiz Mudliji aaya aur is ne Usamah aur Zayd (razi Allahu anhuma) ko dekha , donon ke jism par ek chadar ku , jis ne donon ke saron ko dhak liya thu aur in ke sirf paon khule huay thay to is ne kaha ke yeh paon ek doosre se talluq rakhte hain .“