Hum se Abu al-Yaman ne bayan kiya, kaha hum ko Shuaib ne khabar di, in se Zuhri ne bayan kiya, kaha hum se Urwah bin Zubair ne bayan kiya, aur in se Aisha Radi Allahu Anha ne ke Fatimah Radi Allahu Anha ne Abu Bakr Radi Allahu Anhu ke yahan apna aadmi bhej kar Nabi Kareem Sallallahu Alaihi Wa Sallam se milne wali meras ka mutaliba kiya jo Allah Ta'ala ne apne Rasool Sallallahu Alaihi Wa Sallam ko fai ki surat mein di thi. Yani Aap ka mutaliba Madinah ki is jandaad ke bare mein tha jis ki aamad se Aap Sallallahu Alaihi Wa Sallam masarif-e-khair mein kharch karte thay, aur isi tarah Fadak ki jandaad aur Khaibar ke khumus ka bhi mutaliba kiya.

Hum se Abdul Aziz Bin Abdullah Uwaisi ne bayan kiya, kaha ke hum se Ibrahim Bin Saad ne bayan kiya, un se Salih Bin Kaisan ne, un se Ibn Shihab ne bayan kiya, unhein Urwah Bin Zubair (Radi Allahu Anhu) ne khabar di aur unhein Umm-ul-Momineen Aisha (Radi Allahu Anha) ne ke Rasul Allah (Sallallahu Alaihi Wasallam) ki sahibzadi Fatima (Radi Allahu Anha) ne Aap (Sallallahu Alaihi Wasallam) ki wafat ke baad Abu Bakr Siddique (Radi Allahu Anhu) se mutalba kiya tha ke Nabi Kareem (Sallallahu Alaihi Wasallam) ke is tarke se unhein un ki mirath ka hissa dilaya jaye jo Allah Ta'ala ne Aap (Sallallahu Alaihi Wasallam) ko Fay ki surat mein diya tha (jaise Fadak waghera)
.