Hum se Muhammad bin Kaseer ne bayan kiya, kaha hum se Sufyan Sawri ne bayan kiya, un se Mansoor ne, un se Ibrahim ne, un se Ubaidah bin Qais Salmani ne aur un se Abdullah bin Mas'ud Radi Allahu Anhu ne ke Nabi Kareem Sallallahu Alaihi Wa Sallam ne farmaya ke behtarin zamana mera hai. Phir un logon ka jo is zamana ke baad aayein gay phir un logon ka jo is ke baad aayein gay. Is ke baad ek aisi qoum paida hogi ke gawahi dene se pehle qasam un ki zaban par aa jaya karegi aur qasam khane se pehle gawahi un ki zaban par aa jaya karegi. Ibrahim ne bayan kiya ke jab hum chhote thay to gawahi aur ehad (ke alfaz zaban par lane) ki wajah se hamare bade buzurg hum ko mara karte thay.

Hum se Adam ne bayan kiya, kaha hum se Shuba ne bayan kiya, kaha hum se Abu Hamza ne bayan kiya ke mein ne Zahdam Bin Mudrib (Radi Allahu Anhu) se suna ke mein ne Imran Bin Husain (Radi Allahu Anhuma) se suna aur unhon ne bayan kiya ke Rasul Allah (Sallallahu Alaihi Wasallam) ne farmaya "Tum mein sab se behtar mere zamana ke log (Sahaba) hain. Phir wo log jo in ke baad aayein ge (Tabieen) phir wo log jo is ke bhi baad aayein ge. (Tabah Tabieen) Imran ne bayan kiya ke mein nahi janta Aap (Sallallahu Alaihi Wasallam) ne do zamanon ka (apne baad) zikar farmaya ya teen ka phir Aap (Sallallahu Alaihi Wasallam) ne farmaya ke tumhare baad aise log paida hon ge jo chor hon ge, jin mein diyant ka naam na ho ga. Un se gawahi dene ke liye nahi kaha jaye ga. Lekin wo gawahiyan dete phirein ge. Nazrein manein ge lekin poori nahi karein ge. Mutapa un mein aam ho ga."
.

Hum se Muhammad Bin Kaseer ne bayan kiya, kaha hum ko Sufyan ne khabar di Mansoor se, unhon ne Ibrahim Nakh'i se, unhein Ubaida ne aur un se Abdullah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Sab se behtar mere zamana ke log hain, phir wo log jo is ke baad hon ge, phir wo log jo is ke baad hon ge aur is ke baad aise logon ka zamana aaye ga jo qasam se pehle gawahi dein ge aur gawahi se pehle qasam khayein ge." Ibrahim Nakh'i (Rahimahullah) ne bayan kiya ke hamare bare buzurg shahadat aur ahad ka lafz zaban se nikalne par hamein marte thay
.

Mujh se Ishaq bin Rahwaih ne bayan kiya, kaha hum se Nadr ne bayan kiya, kaha hum ko Shu'bah ne khabar di, unhein Abu Jamrah ne, kaha mein ne Zahdam bin Mudrib se suna, kaha ke mein ne Imran bin Husain Radi Allahu Anhuma se suna, unhon ne kaha ke Rasoolullah Sallallahu Alaihi Wa Sallam ne farmaya ke meri ummat ka sab se behtarin zamana mera zamana hai, phir un logon ka jo is zamana ke baad aayein gay. Phir un logon ka jo is zamana ke baad aayein gay. Imran Radi Allahu Anhu kehte hain ke mujhe yaad nahi hai ke Nabi Kareem Sallallahu Alaihi Wa Sallam ne apne dour ke baad do zamanon ka zikr kiya ya teen ka. Phir Aap Sallallahu Alaihi Wa Sallam ne farmaya ke tumhare baad ek aisi qoum paida hogi jo baghair kahe gawahi dene ke liye tayyar ho jaya karegi aur un mein khayanat aur chori itni aam ho jayegi ke un par kisi qism ka bharosa baqi nahi rahega. Aur nazrein manein gay lekin unhein poora nahi karein gay (haram maal kha kha kar) un par मोटापा (motapa) aam ho jayega.

Mujh se Muhammad bin Bashar ne bayan kiya , unhon ne kaha hum se Ghundar ne bayan kiya , unhon ne kaha hum se Shubah ne bayan kiya , kaha ke main ne Abu Hamza se suna , kaha ke mujh se Zahdam bin Mudur-rib ne bayan kiya , kaha ke main ne Imran bin Husain razi Allahu anhuma se suna aur in se Nabi Karim salla Allahu alaihi wasallam ne farmaya ”tum mein sab se behtar mera zamana hai , phir in logon ka zamana hai jo is ke baad hon ge .“ Imran ne bayan kiya ke mujhe nahi maloom Nabi Karim salla Allahu alaihi wasallam ne irshad ko do martaba doharaya ya teen martaba . Phir is ke baad woh log hon ge ke woh gawahi dein ge lekin in ki gawahi qabool nahi ki jaye gi , woh khiyanat karein ge aur in par se aitmad jaata rahe ga . Woh nazr maanein ge lekin poori nahi karein ge aur in mein mutapa phail jaye ga .

Hum se Abdan ne bayan kiya , kaha hum se Abu Hamza ne , in se Aamash ne , in se Ibrahim ne , in se Ubaidah ne aur in se Abdullah bin Masood razi Allahu anhu ne ke Nabi Karim salla Allahu alaihi wasallam ne farmaya ”sab se behtar mera zamana hai , is ke baad in logon ka jo is ke baad hon ge phir jo in ke baad hon ge aur is ke baad aise log paida hon ge jo qasam se pehle gawahi dein ge kabhi gawahi se pehle qasam khayein ge .“

Hum se Saad bin Hafs ne bayan kiya , kaha hum se Shayban ne bayan kiya , in se Mansoor ne , in se Ibrahim ne , in se Ubaidah ne aur in se Abdullah bin Masood razi Allahu anhu ne bayan kiya ke Nabi Karim salla Allahu alaihi wasallam se poochha gaya ke kaun log achhe hain . Nabi Karim salla Allahu alaihi wasallam ne farmaya ke mera zamana , phir woh log jo is se qareeb hon ge phir woh log jo is se qareeb hon ge . Is ke baad ek aaisi qaum paida ho gi jis ki gawahi qasam se pehle zaban par aa jaya kare gi aur qasam gawahi se pehle . Ibrahim ne kaha ke hamare asatiza jab hum kam umr thay to hamain qasam khane se mana kiya karte thay ke hum gawahi ya ahad mein qasam khayein .

Hum se Musaddad ne bayan kiya, in se Yahya ne, in se Shubah ne bayan kiya, kaha mujh se Abu Hamza ne bayan kiya, kaha hamase Zahdam bin Mudur-rib ne bayan kiya, kaha ke main ne Imran bin Husain se suna, woh Nabi Karim salla Allahu alaihi wasallam se bayan karte thay ke Nabi Karim salla Allahu alaihi wasallam ne farmaya ”tum mein sab se behtar mera zamana hai, is ke baad in ka jo is ke qareeb hon ge. Is ke baad woh jo is se qareeb hon ge.“ Imran ne bayan kiya ke mujhe yaad nahi Nabi Karim salla Allahu alaihi wasallam ne apne zamana ke baad do ka zikr kiya thu ya teen ka (farmaya ke) phir ek aaisi qaum aaye gi jo nazr maane gi aur usay poora nahi kare gi, khiyanat kare gi aur in par aitmad nahi rahe ga. Woh gawahi dene ke liye tayyar rahein ge jab ke in se gawahi ke liye kaha bhi nahi jaye ga aur in mein mutapa aam ho jaye ga.