Hum se Abu al-Yaman ne bayan kiya, unhon ne kaha hum ko Shuaib ne khabar di, unhein Abdullah bin Abi Husain ne, un se Nafi bin Jubair ne bayan kiya aur un se Abdullah bin Abbas Radi Allahu Anhuma ne bayan kiya ke Nabi Kareem Sallallahu Alaihi Wa Sallam ke zamana mein Musailimah Kazzab Madinah mein aaya aur yeh kehne laga ke agar Muhammad (Sallallahu Alaihi Wa Sallam) "Amr" (yani khilafat) ko apne baad mujhe saunp dein to mein un ki ittaba ke liye tayyar hun. Musailimah apne bahut se mureedon ko sath le kar Madinah aaya tha. Rasoolullah Sallallahu Alaihi Wa Sallam is ke pas (ise samajhane ke liye) tashreef le gaye. Aap ke sath Thabit bin Qais bin Shamas Radi Allahu Anhu thay aur Aap ke hath mein khajoor ki ek chhari thi. Aap wahan thehar gaye jahan Musailimah apne aadmiyon ke sath maujood tha. To Aap Sallallahu Alaihi Wa Sallam ne us se farmaya agar tu mujh se chhari bhi mange to mein tujhe nahi de sakta (khilafat to badi cheez hai) aur Parwardigar ki marzi ko tu taal nahi sakta agar tu Islam se peeth pherega to Allah tujh ko tabah kar dega. Aur mein samajhta hun ke tu wahi hai jo mujhe (khwab mein) dikhaya gaya tha.

Hum se Muhammad bin Abdullah ne byaan kiya ‘ kaha hum se Hammad bin Masadah ne byaan kiya ‘ un se Yazid bin Abi Ubayd ne aur un se Salmah bin Akwa razi Allahu anhu ne ke main ne Nabi Karim salla Allahu alaihi wasallam ke saath saat ghazway kiye . Is silsila mein unhon ne Ghazwa Khaybar ‘ Ghazwa Hudaybiyah ‘ Ghazwa Hunayn aur Ghazwa Zhat al-Qarad ka zikr kiya . Yazid ne kaha ke baqi ghazwon ke naam main bhool gaya .

Aur Abdur Razzaq ne kaha hum ko Mamar ne khabar di ‘ unhein Ayub ne ‘ unhein Ikrimah ne aur unhein Ibn Abbas razi Allahu anhuma ne Nabi Karim salla Allahu alaihi wasallam se naqal kiya . Aur Hammad ne Ayub se riwayat kiya ‘ unhon ne Ikrimah se ‘ unhon ne Abdullah bin Abbas razi Allahu anhuma se aur unhon ne Nabi Karim salla Allahu alaihi wasallam se naqal kiya .

`Mujh se Said bin Muhammad ne bayan kiya, unhon ne kaha hum se Yaqub bin Ibrahim ne bayan kiya, unhon ne kaha hum se hamare walid ne bayan kiya, un se Salih ne, un se Abu Ubaida bin Nasheet ne bayan kiya, un se Ubaidullah bin Abdullah ne bayan kiya ke mein ne Abdullah bin Abbas Radi Allahu Anhuma se Nabi Kareem صلی اللہ علیہ وسلم ke is khwab ke mutalliq poocha jo unhon ne bayan kiya tha.

`Hum se Ali bin Abdullah ne bayan kiya, kaha hum se Sufyan bin Uyaina ne bayan kiya, kaha hum se Muhammad bin al-Munkadir ne kaha ke mein ne Jabir bin Abdullah Radi Allahu Anhuma se suna, bayan kiya ke Gazwa-e-Khandaq ke din Nabi Kareem صلی اللہ علیہ وسلم ne (dushman se khabar lane ke liye) sahabah se kaha to Zubair Radi Allahu Anhu tayyar ho gaye phir un se kaha to Zubair Radi Allahu Anhu hi tayyar hue. Phir kaha, phir bhi unhon ne hi aamadagi dikhlayi. Is ke baad Aap صلی اللہ علیہ وسلم ne farmaya ke har Nabi ke hawari (madadgaar) hote hain aur mere hawari Zubair hain. Aur Sufyan bin Uyaina ne bayan kiya ke mein ne yeh riwayat Ibn al-Munkadir se yaad ki aur Ayub ne Ibn al-Munkadir se kaha, ay Abu Bakr! (yeh Muhammad bin Munkadir ki kuniyat hai) un se Jabir Radi Allahu Anhu ki hadees bayan kijiye kyunke log pasand karte hain ke aap Jabir Radi Allahu Anhu ki ahadees bayan karein to unhon ne usi majlis mein kaha ke mein ne Jabir Radi Allahu Anhu se suna aur chaar ahadees mein pay-dar-pay yeh kaha ke mein ne Jabir Radi Allahu Anhu se suna. Ali bin Abdullah Madini ne kaha ke mein ne Sufyan bin Uyaina se kaha ke Sufyan Sauri to Gazwa-e-Quraiza kehte hain (bajaye Gazwa-e-Khandaq ke) unhon ne kaha ke mein ne itne hi yaqeen ke saath yaad kiya hai jaisa ke tum is waqt baithe ho ke unhon ne Gazwa-e-Khandaq kaha, Sufyan ne kaha ke yeh donon ek hi gazwa hain (kyunke) Gazwa-e-Khandaq ke furan baad usi din Gazwa-e-Quraiza pesh aaya aur wo muskuraye.