Hum se Abdullah Bin Muhammad ne bayan kiya kaha hum se Abdur Razzaq ne bayan kiya unhein Maamar ne khabar di unhein Hammam ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Dawood (Alaihis Salam) ke liye Quran (yani Zaboor) ki qiraat bahut aasan kar di gayi thi. Chunancha wo apni sawari par zain kasne ka hukam dete aur zain kasi jane se pehle hi poori Zaboor parh lete thay aur aap sirf apne hathon ki kamayi khate thay." Is ki riwayat Musa Bin Uqbah ne ki un se Safwan ne un se Ata Bin Yasar ne un se Abu Hurairah (Radi Allahu Anhu) ne Nabi Kareem (Sallallahu Alaihi Wasallam) se riwayat kiya hai

Hum se Yahya Bin Musa ne bayan kiya, kaha ke hum se Abdul Razzaq ne bayan kiya, kaha ke humein Mamar ne khabar di, unhein Hammam Bin Munabbih ne, un se Abu Hurairah (Radi Allahu Anhu) ne bayan kiya, aur un se Nabi Kareem (Sallallahu Alaihi Wasallam) ne ke Daud (Alaihis Salam) sirf apne hath ki kamayi se khaya karte thay
.

Mujh se Ishaq bin Nasr ne byaan kiya , kaha hum se Abdur Razzaq ne byaan kiya aur un se Mamar ne , un se Hammam bin Munabbih ne aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke Dawood alaihissalam par Zaboor ki tilawat aasan kar di gayi thi . Aap ghore par zeen kasne ka hukm dete aur is se pehle ke zeen kasi ja chuke , tilawat se farigh ho jate thay .