Hum se Hasan Bin Rabi ne bayan kiya, kaha hum se Abu-ul-Ahwas ne, un se Ash'as ne, un se un ke walid ne, un se Masrooq ne bayan kiya aur un se Aisha (Radi Allahu Anha) ne bayan kiya ke mein ne Rasul Allah (Sallallahu Alaihi Wasallam) se namaz mein idhar udhar dekhne ke mutaliq pucha to Aap (Sallallahu Alaihi Wasallam) ne farmaya ke ye shaitan ki ek achak hai jo wo tum mein se ek ki namaz se kuch achak leta hai
.

Hum se Musaddad bin Musarhad ne byaan kiya , kaha ke hum se Abul Ahwas Salam bin Saleem ne byaan kiya , kaha ke hum se Ashath bin Saleem ne byaan kiya apne walid ke wastay se , unhon ne Masrooq bin Ajda se , unhon ne Aishah razi Allahu anha se Aap ne batlaya ke main ne Rasool Allah salla Allahu alaihi wasallam se namaaz mein idhar udhar dekhne ke bare mein poocha . Aap salla Allahu alaihi wasallam ne farmaya ke yeh to daka hai jo shaytan bande ki namaaz par daalta hai .