Hum se Zakariya Bin Yahya ne bayan kiya, kaha hum se Abu Usama ne bayan kiya, kaha ke Hisham ne humein apne walid Urwah se khabar di aur un se Aisha (Radi Allahu Anha) ne bayan kiya, kaha ke Uhud ki ladai mein jab mushrikeen ko shikast ho gayi to Iblees ne chilla kar kaha ke Ae Allah ke bando! (yaani Musalmano) apne peechhe walon se bacho, chunanche aage ke Musalman peechhe ki taraf pal pade aur peechhe walon ko (jo Musalman hi thay) unhon ne marna shuru kar diya. Huzaifa (Radi Allahu Anhu) ne dekha to un ke walid Yaman (Radi Allahu Anhu) bhi peechhe thay. Unhon ne bahotaira kaha ke Ae Allah ke bando! Ye mere walid hain, ye mere walid hain. Lekin Allah gawah hai ke logon ne jab tak unhein qatl na kar liya na chhoda. Baad mein Huzaifa (Radi Allahu Anhu) ne sirf itna kaha ke khair. Allah tumhein maaf kare (ke tum ne ghalat fehmi se ek Musalman ko maar dala) Urwah ne bayan kiya ke phir Huzaifa (Radi Allahu Anhu) apne walid ke qatilon ke liye barabar maghfirat ki dua karte rahe. Ta-aanke Allah se ja mile
.

Mujh se Ismail Bin Khalil ne bayan kiya, kaha hum se Salama Bin Rajaa ne, unhein Hisham Bin Urwah ne, unhein un ke walid ne aur un se Aisha Radi Allahu Anha ne bayan kiya ke Uhud ki larai mein jab mushrikeen haar chuke to Iblees ne chilla kar kaha: Ay Allah ke bando! Peeche walon ko (qatl karo) chunanche aage ke musalman peeche walon par pal pare aur unhein qatl karna shuru kar diya. Huzaifah Radi Allahu Anhu ne jo dekha to un ke walid (Yaman Radi Allahu Anhu) bhi wahin mojood thay unhon ne pukar kar kaha: Ay Allah ke bando ye to mere walid hain mere walid! Aisha Radi Allahu Anha ne bayan kiya: Allah ki qasam! Is waqt tak log wahan se nahi hate jab tak unhein qatl na kar liya. Huzaifah Radi Allahu Anhu ne sirf itna kaha Allah tumhari maghfirat kare. (Hisham ne bayan kiya ke) Allah ki qasam! Huzaifah Radi Allahu Anhu barabar ye kalma duaiya kehte rahe (ke Allah un ke walid par hamla karne walon ko bakhshe jo ke mahaz ghalat fehmi ki wajah se ye harkat kar baithe) ye dua marte dam tak karte rahe
.

Mujh se Abdullah Bin Saeed ne bayan kiya, kaha hum se Abu Usama ne bayan kiya, un se Hisham Bin Urwah ne, un se in ke walid Urwah ne aur un se Aisha Radi Allahu Anha ne bayan kiya ke shuru-e-jung-e-Uhud mein pehle mushrikeen shikast kha gaye thay lekin Iblees, Allah ki is par lanat ho, dhoka dene ke liye pukarne laga. Ai Ibad-Allah! (Musalmano!) Apne peeche walon se khabardar ho jao. Is par aage jo musalman thay wo laut pare aur apne peeche walon se bhir gaye. Huzaifa Bin Yaman Radi Allahu Anhu ne jo dekha to in ke walid Yaman Radi Allahu Anhu inhein mein hain (jinhein musalman apna dushman mushrik samajh kar maar rahe thay). Wo kehne lage musalmano! Ye to mere walid hain, mere walid. Urwah ne kaha, Aisha Radi Allahu Anha ne kaha, pas Allah ki qasam unhon ne in ko is waqt tak nahi chora jab tak qatl na kar liya. Huzaifa Radi Allahu Anhu ne sirf itna kaha ke Allah musalmanon ki ghalti maaf kare. Urwah ne bayan kiya ke is ke baad Huzaifa Radi Allahu Anhu barabar maghfirat ki dua karte rahe yahan tak ke wo Allah se ja mile. «basurtu» yani mein dil ki aankhon se kaam ko samajhta hoon aur «absartu» aankhon se dekhne ke liye istemal hota hai. Ye bhi kaha gaya hai ke «basurtu» aur «absartu» ke ek hi mani hain. «basurtu» dil ki aankhon se dekhna aur «absartu» zahir ki aankhon se dekhna murad hai
.

Hum se Farwah bin Abi al-Maghraa ne bayan kiya , kaha hum se Ali bin Mushir ne , in se Hisham bin Urwah ne , in se un ke walid ne aur in se Aisha razi Allahu anha ne bayan kiya ke jab Uhud ki larayi mein mushrik shikast kha gaye aur apni shikast in mein mashhoor ho gayi to Iblees ne cheekh kar kaha (Musalmanon se) ke Ae Allah ke bando! Peeche dushman hai chunanche aage ke log peeche ki taraf pal pare aur peeche wale (Musalmanon hi se) lar pare . Is halat mein Huzayfah bin al-Yaman razi Allahu anhu ne dekha ke log in ke Musalman walid ko be-khabri mein maar rahe hain to unhon ne Musalmanon se kaha ke yeh to mere walid hain jo Musalman hain , mere walid! Aisha razi Allahu anha ne bayan kiya ke Allah ki qasam log phir bhi baaz nahi aaye aur aakhir unhein qatl kar hi dala . Huzayfah razi Allahu anhu ne kaha , Allah tumhari maghfirat kare . Urwah ne bayan kiya ke Huzayfah razi Allahu anhu ko apne walid ki is tarah shahadat ka aakhri waqt tak ranj aur afsos hi raha yahan tak ke woh Allah se ja mile .

Hum se Farwah bin Abi al-Maghraa ne bayan kiya, kaha hum se Ali bin Mushir ne bayan kiya, in se Hisham bin Urwah ne, in se un ke walid ne aur in se Aisha razi Allahu anha ne ke mushrikeen ne Uhud ki larayi mein pehle shikast khayi thi (doosri sanad) Imam Bukhari rahmahullah ne kaha mujh se Muhammad bin Harb ne bayan kiya, in se Abu Marwan Yahya ibn Abi Zakariya ne bayan kiya, in se Hisham ne, in se Urwah ne aur in se Aisha razi Allahu anha ne bayan kiya ke Iblees Uhud ki larayi mein logon mein cheekha. Ae Allah ke bando! Apne peeche walon se, magar yeh sunte hi aage ke Musalman peeche ki taraf palat pare yahan tak ke Musalmanon ne (ghalati mein) Huzayfah ke walid Yaman razi Allahu anhu ko qatl kar diya. Is par Huzayfah razi Allahu anhu ne kaha ke yeh meere walid hain, meere walid! Lekin unhein qatl hi kar dala. Phir Huzayfah razi Allahu anhu ne kaha Allah tumhari maghfirat kare. Bayan kiya ke mushrikeen ki ek jama'at maidan se bhaag kar Taif tak pahunch gayi ku.

Mujh se Ishaq bin Mansoor ne bayan kiya, kaha hum ko Abu Usamah ne khabar di, unhein Hisham ne khabar di, kaha hamako hamare walid ne aur in se Aisha razi Allahu anha ne bayan kiya ke Uhud ki larayi mein mushrikeen ko pehle shikast ho gayi thi lekin Iblees ne chilla kar kaha Ae Allah ke bando! peeche ki taraf walon se bacho! Chunanche aage ke log palat pare aur aage wale peeche walon se (jo Musalman hi thay) bhirr gaye. Achanaak Huzayfah razi Allahu anhu ne dekha to in ke walid Yaman razi Allahu anhu thay. Huzayfah razi Allahu anhu ne kaha: Allah ke bando! Yeh to mere walid hain, mere walid. Bayan kiya ke Allah ki qasam Musalman unhein qatl kar ke hi hate. Is par Huzayfah razi Allahu anhu ne kaha Allah tumhari maghfirat kare. Urwah ne bayan kiya ke is waqia ka sadma Huzayfah razi Allahu anhu ko aakhri waqt tak raha.