Hum se Ali Bin Abdullah Madini ne bayan kiya, kaha hum se Sufyan Bin Uyaina ne bayan kiya, un se Amr Bin Dinar ne, un se Ata Bin Abi Rabah ne, un se Safwan Bin Ya'la ne aur un se un ke walid (Ya'la Bin Umayya Radi Allahu Anhu) ne bayan kiya ke mein ne Nabi Kareem (Sallallahu Alaihi Wasallam) se suna, Aap mimbar par Surah Al-Ahzab ki is ayat ki tilawat farma rahe thay "wa-nado ya maliku" aur wo dozakhi pukareinge Ae Maalik! (Ye darogha-e-jahannum ka naam hai) aur Sufyan ne kaha ke Abdullah Bin Masood (Radi Allahu Anhu) ki qirat mein yun hai "wa-nado ya maal"
.

Hum se Qutaiba Bin Said ne bayan kiya, kaha hum se Sufyan Bin Uyaina ne bayan kiya, un se Amr Bin Dinar ne, unhon ne Ata se suna, unhon ne Safwan Bin Ya'la se khabar di. Unhon ne apne walid ke wasita se unhon ne Nabi Kareem (Sallallahu Alaihi Wasallam) ko mimbar par is tarah ayat parhte suna "wa-nado ya maliku" (aur wo dozakhi pukareinge, Ae Maalik!).

Hum se Hajjaj bin Minhal ne byaan kiya , kaha hum se Sufyan bin Uyaynah ne byaan kiya , un se Amr ne , un se Ata ne , un se Safwan bin Yala ne aur un se un ke walid ne ke main ne Rasool Allah salla Allahu alaihi wasallam ko mimbar par yeh aayat parhte suna «wa naadau ya maaliku liyaqdi alayna rabbuka» ”aur yeh log pukarein ge ke Ae Maalik! Tumhara Parvardigar hamara kaam hi tamam kar de .“ Aur Qatadah ne kaha «masalan lil-aakhireena» yani pichhlon ke liye nasihat . Doosre ne kaha «muqrineena» ka maani qaboo mein rakhne wale . Arab log kehte hain fulaana fulaane ka «muqrinun» hai yani is par ikhtiyar rakhta hai (is ko qaboo mein laya hai) . «akwaabun» woh kooze jin mein tonti na ho balkay munh khula hua ho jahan se aadmi chahe piye . «in kaana lir-rahmaani waladun» ka maani yeh hai ke is ki koi aulad nahi hai . (is surat mein «in» nafiya hai) «aabideena» se «aanifeena» murad hai . Yani sab se pehle main is se «aar» karta hoon . Is mein do lughat hain «aabidun wa abidun» aur Abdullah bin Masood razi Allahu anhu ne is ko «wa qaalar-rasoolu ya rabbi» parha hai . «awwalul aabideena» ke maani sab se pehla inkar karne wala yani agar Khuda ki aulad sabit karte ho to main is ka sab se pehla inkari hoon . Is surat mein «aabideena» baab «abada yabudu» se aaye ga aur Qatadah ne kaha «fee ummil kitabi» ka maani yeh hai ke majmu-i kitab aur asal kitab (yani Lauh e Mahfooz mein) .