Hum se Abdullah Bin Muhammad Musandi ne bayan kiya, kaha hum se Hisham ne bayan kiya, kaha hum ko Ma'mar ne khabar di, unhein Zuhri ne, unhein Abu Salama ne aur unhein Aisha (Radi Allahu Anha) ne ke Nabi Kareem (Sallallahu Alaihi Wasallam) ne ek martaba farmaya "Ae Aisha! Ye Jibrail Alaihis Salam aaye hain, tum ko salam keh rahe hain." Aisha (Radi Allahu Anha) ne jawab mein kaha, ke wa-alaihis-salam wa-rahmatullahi wa-barakatuh. Aap wo cheezain dekhte hain jinhein mein nahi dekh sakti, Aisha (Radi Allahu Anha) ki murad Nabi Kareem (Sallallahu Alaihi Wasallam) se thi
.

Hum se Yahya Bin Bukair ne bayan kiya, kaha hum se Lais ne bayan kiya, un se Yunus ne, un se Ibn Shihab ne bayan kiya, un se Abu Salama ne bayan kiya aur un se Aisha Radi Allahu Anha ne bayan kiya ke Rasul Allah Sallallahu Alaihi Wasallam ne ek din farmaya " Ay Aish ye Jibrail Alaihis Salam tashreef farma hain aur tumhein salam kehte hain " mein ne is par jawab diya wa alaihis salamu wa rahmatullahi wa barakatuhu, aap wo cheez mulahiza farmate hain jo mujh ko nazar nahi aati (aap ki murad Nabi Kareem Sallallahu Alaihi Wasallam se thi)
.

Hum se Sulayman bin Harb ne bayan kiya , kaha hum se Shubah ne bayan kiya , in se Adi bin Sabit ne aur in se Bara bin Azib razi Allahu anhu ne ke Nabi Karim salla Allahu alaihi wasallam ne Hassan razi Allahu anhu se farmaya in ki hajo karo (yani mushrikeen e Quraish ki) . Ya Nabi Karim salla Allahu alaihi wasallam ne ( «haajihum» ke alfaz farmaye) Jibrail alaihissalam tere saath hain .

Hum se Abu al-Yaman ne bayan kiya, unhon ne kaha hum ko Shuayb ne khabar di, in se Zuhri ne bayan kiya, unhon ne kaha ke mujh se Abu Salamah bin Abd-ur-Rahman ne bayan aur in se Nabi Karim salla Allahu alaihi wasallam ki zauja mutahhara Aisha razi Allahu anha ne bayan kiya ke Rasool Allahsalla Allahu alaihi wasallam ne farmaya ”ya Aaish! Yeh Jibrail alaihissalam hain aur tumhein salam kehte hain.“ Main ne kaha aur in par bhi salam aur Allah ki rahmat ho. Bayan kiya ke Nabi Karim salla Allahu alaihi wasallam woh cheezin dekhte thay jo hum nahi dekhte thay.

Hum se Ibn Muqatil ne bayan kiya, kaha hum ko Abdullah ne khabar di, kaha hum ko Mamar ne khabar di unhein Zuhri ne unhein Abu Salamah bin Abd-ur-Rahman ne aur in se Aisha razi Allahu anha ne bayan kiya ke Rasool Allah salla Allahu alaihi wasallam ne farmaya ”Ae Aisha! Yeh Jibrail hain tumhein salam kehte hain bayan kiya ke main ne arz kiya «wa alaihis-salaamu wa rahmatullaahi» Aap dekhte hain jo hum nahi dekh sakte umm-ul-momineen ka isharah Nabi Karim salla Allahu alaihi wasallam ki taraf tha. Mamar ke saath is hadees ko Shuayb aur Yunus aur Numan ne bhi Zuhri se riwayat kiya hai Yunus aur Numan ki riwayaton mein «wa barakaatuhu» ka lafz zyada hai.

Hum se Abu Nuaym ne bayan kiya, kaha hum se Zakariya ne bayan kiya, kaha ke main ne Aamir se suna, unhon ne bayan kiya ke mujh se Abu Salamah bin Abd-ur-Rahman ne bayan kiya aur in se Aisha razi Allahu anha ne bayan kiya ke Nabi Karim salla Allahu alaihi wasallam ne is se farmaya ke Jibrail alaihissalam tumhein salam kehte hain. Aisha razi Allahu anha ne kaha ke wa alaihis-salaamu wa rahmatullaahi in par bhi Allah ki taraf se salamti aur is ki rahmat nazil ho.