Hum se Abdan Bin Usman ne bayan kiya, unhon ne kaha ke mujhe mere baap ne khabar di, unhein Shuba ne, unhein Abu Ishaq ne, unhein Amr Bin Maimun ne aur un se Abdullah (Radi Allahu Anhu) ne bayan kiya ke Makkah mein (shuru Islam ke zamane mein Rasul Allah Sallallahu Alaihi Wasallam sajda ki halat mein thay aur qareeb hi Quraish ke kuch log baithe hue thay. Phir Uqba Bin Abi Muait ont ki ojhdi laya aur Nabi Kareem (Sallallahu Alaihi Wasallam) ki peeth par ise daal diya. Nabi Kareem (Sallallahu Alaihi Wasallam) sajda se apna sarr na utha sake. Aakhir Fatima (Radi Allahu Anha) aieen aur Aap (Sallallahu Alaihi Wasallam) ki peeth par se is ojhdi ko hataya aur jis ne ye harkat ki thi ise bura bhala kaha, Nabi Kareem (Sallallahu Alaihi Wasallam) ne bhi bad-dua ki ke Ae Allah! Quraish ki is jamaat ko pakad. Ae Allah! Abu Jahl Bin Hisham, Utba Bin Rabia, Shaiba Bin Rabia, Uqba Bin Abi Muait, Umayya Bin Khalaf ya Ubai Bin Khalaf ko barbad kar. Phir mein ne dekha ke ye sab Badr ki ladai mein qatl kar diye gaye. Aur ek kunwein mein unhein daal diya gaya tha. Siwa Umayya ya Ubai ke ke ye shakhs bahut bhari bharkam tha. Jab ise Sahaba ne khaincha to kunwein mein dalne se pehle hi is ke jod jod alag ho gaye
.

Hum se Abdan ne bayan kiya, kaha mujhe mere baap (Uthman) ne Sho’bah se khabar di, unhon ne Abu Ishaaq se, unhon ne ’Amr bin Maimoon se, unhon ne Abdullah se woh kehte hain ke ek dafa Rasoolullah Sallallahu Alaihi Wasallam Ka’ba shareef mein sajde mein the. (Ek doosri sanad se) hum se Ahmad bin Uthman ne bayan kiya, kaha hum se Shuraih bin Maslamah ne, kaha hum se Ibrahim bin Yousuf ne apne baap ke waaste se bayan kiya, woh Abu Ishaaq se riwayat karte hain. Un se ’Amr bin Maimoon ne bayan kiya ke Abdullah bin Mas’ood Radhiallahu Anhuma ne un se Hadees bayan ki ke ek dafa Rasoolullah Sallallahu Alaihi Wasallam Ka’ba ke nazdeek Namaz padh rahe the aur Abu Jahl aur us ke saathi (bhi wahien) baithe huwe the to un main se ek ne doosre se kaha ke tum mein se koi shakhs hai jo qabeele ki (jo) oontni zabah hue hai (us ki) ojhdi utha laaye aur (laa kar) jab Muhammed Sallallahu Alaihi Wasallam sajde main jaayen to un ki peeth par rakh de. Yeh sun kar un mein se ek sab se ziyada badbakht (aadmi) utha aur woh ojhdi le kar aaya aur dekhta raha jab Aap ne sajdah kiya to us ne us ojhdi ko Aap ke dono kandhon ke darmiyaan rakh diya (Abdullah bin Mas’ood kehte hain) main yeh (sab kuch) dekh raha tha magar kuch na kar sakta tha. Kaash! (Us waqt) mujhe rokne ki taaqat hoti. Abdullah kehte hain ke woh hansne lage aur (hansi ke maare) lot-pot hone lage aur Rasoolullah Sallallahu Alaihi Wasallam sajde mein the (boojh ki wajah se) apna sar nahi utha sakte the. Yahan tak ke Fatima Radhiallahu Anha aayein aur woh boojh Aap ki peeth se utaar kar phenka, tab Aap Sallallahu Alaihi Wasallam ne sar uthaaya phir teen baar farmaaya. Ya Allah! Tu Quraish ko pakad le, yeh (baat) un kaafiron par bahut bhaari hue ke Aap Sallallahu Alaihi Wasallam ne unhein bad-dua di. Abdullah kehte hain ke woh samjhte the ke us shahar (Makkah) mein jo dua ki jaaye woh zaroor qabool hoti hai phir Aap ne (un mein se) har ek ka (juda juda) naam liya ke aye Allah! In zaalimon ko zaroor halaak kar de. Abu Jahl, ’Utbah bin Rabee’ah, Shaibah bin Rabee’ah, Waleed bin ’Utbah, Umaiyah bin Khalaf aur ’Uqbah bin Abi Mu’ait ko. Saatwen (aadmi) ka naam (bhi) liya magar mujhe yaad nahi raha. Us zaat ki qasam jis ke qabze mein meri jaan hai ke jin logon ke (bad-dua karte waqt) Aap Sallallahu Alaihi Wasallam ne naam liye the, main ne un ki (laashon) ko Badr ke kunwen mein pada huwa dekha.

Hum se Ahmad bin Ishaq Surmari ne bayan kiya , unhon ne kaha ke hum se Israil ne Abu Ishaq ke wastay se bayan kiya . Unhon ne Amr bin Maimoon se , unhon ne Abdullah bin Masood raziyallahu anhu se , kaha ke Rasool Allah salla Allahu alaihi wa sallam Kaaba ke pas khare namaz parh rahe thay . Quraish apni majlis mein qareeb hi baithe hue thay . Itne mein un mein se ek Quraishi bola is riyakar ko nahi dekhte ? kya koi hai jo falaa qabeela ke zabah kiye hue oont ka gobar , khoon aur ojhri utha laye . Phir yahan intizar kare . Jab yeh Nabi Karim salla Allahu alaihi wa sallam sajda mein jaye to gardan par rakh de chunanche is kaam ko anjaam dene ke liye un mein se sab se zyada badbakht shakhs utha aur jab aap salla Allahu alaihi wa sallam sajda mein gaye to is ne aap salla Allahu alaihi wa sallam ki gardan mubarak par yeh ghalazaten daal di . Nabi Karim salla Allahu alaihi wa sallam sajda hi ki halat mein sar rakhe rahe . Mushrikeen yeh dekh kar hanse aur maare hansi ke ek doosre par lot pot hone lage . Ek shakhs ghaliban Ibn Masood raziyallahu anhu Fatima raziyallahu anha ke pas aaye . Woh abhi bacha thin . Aap raziyallahu anha daurti hui aayen . Nabi Karim salla Allahu alaihi wa sallam ab bhi sajda hi mein thay . Phir Fatima raziyallahu anha ne un ghalazaton ko aap salla Allahu alaihi wa sallam ke upar se hataya aur mushrikeen ko bura bhala kaha . Nabi Karim salla Allahu alaihi wa sallam ne namaz poori kar ke farmaya ya Allah Quraish par azab nazil kar . Ya Allah Quraish par azab nazil kar . Ya Allah Quraish par azab nazil kar . Phir naam le kar kaha ya Allah! Amr bin Hisham , Utba bin Rabia , Shaiba bin Rabia , Waleed bin Utba , Umayya bin Khalaf , Uqba bin Abi Muait aur Amara Ibn Waleed ko halak kar . Abdullah bin Masood raziyallahu anhu ne kaha , Allah ki qasam! mein ne un sab ko Badr ki larai mein maqtool paya . Phir unhein ghasit kar Badr ke kunwe mein phenk diya gaya . Is ke baad Rasool Allah salla Allahu alaihi wa sallam ne farmaya ke kunwe wale Allah ki rehmat se door kar diye gaye .

Hum se Abdullah Bin Abi Shaiba ne bayan kiya, kaha hum se Jafar Bin Aun ne bayan kiya, hum se Sufyan Sauri ne, un se Abu Ishaq ne, un se Amr Bin Maimoon ne aur un se Abdullah Bin Masood (Radi Allahu Anhu) ne ke Nabi Kareem (Sallallahu Alaihi Wasallam) Kaabah ke saye mein namaz parh rahe thay, Abu Jahl aur Quraish ke baaz doosre logon ne kaha ke oont ki ojhri la kar kaun in par dalega? Makkah ke kinare ek oont zibah hua tha (aur isi ki ojhri lane ke waste) in sab ne apne aadmi bheje aur wo is oont ki ojhri utha laye aur ise Nabi Kareem (Sallallahu Alaihi Wasallam) ke upar (namaz parhte hue) daal diya. Is ke baad Fatima (Radi Allahu Anha) aayiin aur unhon ne aap (Sallallahu Alaihi Wasallam) ke upar se is gandagi ko hataya. Aap (Sallallahu Alaihi Wasallam) ne is waqt ye bad-dua ki «allhm elyk bqrysh , allhm elyk bqrysh , allhm elyk bqrysh . laby jhl bn hsham , wetbh bn rbyeh , wshybh bn rbyeh , walwlyd bn etbh , waby bn khlf , wetbh bn aby meyt .» "Ae Allah! Quraish ko pakar, ae Allah! Quraish ko pakar, Abu Jahl Bin Hisham, Utba Bin Rabia, Shaiba Bin Rabia, Waleed Bin Utba, Ubayy Bin Khalaf aur Uqba Bin Abi Muayt sab ko pakar le." Abdullah Bin Masood (Radi Allahu Anhu) ne kaha chunancha mein ne in sab ko jung-e-Badr mein Badr ke kuon mein dekha ke sab ko qatl kar ke is mein daal diya gaya tha. Abu Ishaq ne kaha ke mein saatvein shakhs ka (jis ke haqq mein aap (Sallallahu Alaihi Wasallam) ne bad-dua ki thi naam) bhool gaya aur Yusuf Bin Abi Ishaq ne kaha ke in se Abu Ishaq ne (Sufyan ki riwayat mein Ubayy Bin Khalaf ki bajaye) Umayyah Bin Khalaf bayan kiya aur Shuba ne kaha ke Umayyah ya Ubayy (shaq ke sath hai) lekin sahi Umayyah hai
.

Hum se Muhammad Bin Bashar ne bayan kiya, kaha hum se Ghundar ne bayan kiya, kaha hum se Shuba ne, un se Abu Ishaq ne, un se Amr Bin Maimoon ne aur un se Abdullah Bin Masood Radi Allahu Anhu ne bayan kiya ke Nabi Kareem Sallallahu Alaihi Wasallam (namaz parhte hue) sajda ki halat mein thay, Quraish ke kuch log wahin ard-gird mojood thay. Itne mein Uqbah Bin Abi Muait oont ki ojhri baccha daani laya aur Nabi Kareem Sallallahu Alaihi Wasallam ki peeth mubarak par ise daal diya. Is ki wajah se Aap Sallallahu Alaihi Wasallam ne apna sar nahi uthaya phir Fatimah Radi Allahu Anha aayin aur gandagi ko peeth mubarak se hataya aur jis ne aisa kiya tha ise baddua dein. Nabi Kareem Sallallahu Alaihi Wasallam ne bhi un ke haqq mein baddua ki ke ay Allah! Quraish ki is jamaat ko pakar le. Abu Jahl Bin Hisham, Utbah Bin Rabeeah, Shaibah Bin Rabeeah aur Umayyah Bin Khalaf ya (Umayyah ke bajaye Aap ne baddua) Ubayy Bin Khalaf (ke haqq mein farmai) shubha rawi hadees Shuba ko tha. Abdullah Bin Masood Radi Allahu Anhu ne kaha ke phir mein ne dekha ke Badr ki larai mein ye sab log qatl kar diye gaye aur ek kunwein mein unhein daal diya gaya tha siwaye Umayyah ya Ubayy ke ke is ka har ek jorr alag alag ho gaya tha is liye kunwein mein nahi dala ja saka
.

Hum se Amr Bin Khalid Harrani ne bayan kiya, unhon ne kaha hum se Zuhair Bin معاویہ ne bayan kiya, hum se Abu Ishaq Sabi'i ne bayan kiya, un se Amr Bin Maimoon ne aur un se Abdullah Bin Masood Radi Allahu Anhu ne bayan kiya ke Nabi Kareem Sallallahu Alaihi Wasallam ne Kaabah ki taraf munh kar ke kuffar-e-Quraish ke chand logon Shaibah Bin Rabeeah, Utbah Bin Rabeeah, Walid Bin Utbah aur Abu Jahl Bin Hisham ke haqq mein baddua ki thi. Mein is ke liye Allah ko gawah banata hoon ke mein ne (Badr ke maidan mein) in ki lashein pari hui paayein. Sooraj ne in ki lashon ko badbudar kar diya tha. Is din bari garmi thi
.