Hum se Abdullah bin Yousuf ne bayan kiya, kaha hamein khabar di Malik ne Hishaam bin ’Urwah se, woh apne waalid se, woh Aisha Radhiallahu Anha se naql karte hain ke Aap ne farmaaya main Rasoolullah Sallallahu Alaihi Wasallam ke sar-e-mubarak ko haaiza hone ki haalat mein bhi kangha kiya karti thi.

Hum se Ibrahim bin Musa ne bayan kiya, unhon ne kaha hum se Hishaam bin Yousuf ne bayan kiya, unhon ne kaha Ibn-e-Juraij ne unhein khabar di, unhon ne kaha mujhe Hishaam bin ’Urwah ne ’Urwah ke waaste se bataaya ke un se sawaal kiya gaya, kya haaiza biwi meri khidmat kar sakti hai, ya na-paaki ki haalat mein aurat mujh se nazdeek ho sakti hai? ’Urwah ne farmaaya mere nazdeek to is mein koi harj nahi hai. Is tarah ki aurtein meri bhi khidmat karti hain aur is mein kisi ke liye bhi koi harj nahi. Is liye ke mujhe Aisha Radhiallahu Anha ne khabar di ke woh Rasoolullah Sallallahu Alaihi Wasallam ko haaiza hone ki haalat mein kangha kiya karti thein aur Rasoolullah Sallallahu Alaihi Wasallam us waqt Masjid mein mutakif hote. Aap apna sar-e-mubarak qareeb kar dete aur Aisha Radhiallahu Anha apne hujre hi se kangha kar detien, halaanki woh haaiza hotien.

Aur Aap Sallallahu Alaihi Wasallam apna sar-e-mubarak meri taraf kar dete. Us waqt Aap Sallallahu Alaihi Wasallam aitekaaf mein baithe huwe hote aur main haiz ki haalat mein hone ke bawjood Aap Sallallahu Alaihi Wasallam ka sar-e-mubarak dho deti.

Hum se Muhammad Bin Muthanna ne bayan kiya, kaha ke hum se Yahya Bin Saeed Qattan ne bayan kiya, un se Hisham Bin Urwah ne bayan kiya, kaha ke mujhe mere baap ne khabar di aur un se Aisha (Radi Allahu Anha) ne bayan kiya ke Nabi Kareem (Sallallahu Alaihi Wasallam) masjid mein m'utakif hote aur sar-e-mubarak meri taraf jhuka dete phir mein is mein kangha kar deti, halankay mein is waqt haiz se hua karti thi
.

Hum se Qutaiba ne bayan kiya, kaha ke hum se Laith Bin Saad ne bayan kiya, un se Ibn Shihab ne, un se Urwah aur Umrah Bint Abdur Rahman ne ke Nabi Kareem (Sallallahu Alaihi Wasallam) ki zaujah-e-mutahira Aisha (Radi Allahu Anha) ne bayan kiya Nabi Kareem (Sallallahu Alaihi Wasallam) masjid se (aitikaf ki halat mein) sar-e-mubarak meri taraf hujra ke andar kar dete, aur mein is mein kangha kar deti, Nabi Kareem (Sallallahu Alaihi Wasallam) jab m'utakif hote to bila hajat ghar mein tashreef nahi late thay
.

Aur Aap (Sallallahu Alaihi Wasallam) m'utakif hote aur mein haiza hoti. Is ke bawajood Aap sar-e-mubarak (masjid se) bahar kar dete aur mein usay dhoti thi
.

Hum se Abdullah Bin Muhammad Musnadi ne bayan kiya, un se Hisham ne bayan kiya, unhein Mamar ne khabar di, unhein Zuhri ne, unhein Urwah ne aur unhein Aisha (Radi Allahu Anha) ne ke wo haiza hoti theen aur Rasul Allah (Sallallahu Alaihi Wasallam) masjid mein aitikaf mein hote thay, phir bhi wo aap ke sar mein apne hujra hi mein kangha karti theen. Aap apna sar-e-mubarak un ki taraf barha dete
.

Hum se Ishaq Bin Muhammad Farwi ne bayan kiya, kaha hum se Imam Malik ne bayan kiya, un se Nafi ne aur un se Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne farmaya "(ek daur aaye ga jab) tum yahudiyon se jung karo ge. (aur wo shikast kha kar bhagte phirein ge) koi yahudi agar patthar ke peeche chhup jaye ga to wo patthar bhi bol utthe ga ke ae Allah ke bande! Ye yahudi mere peeche chhupa baitha hai ise qatl kar daal."
.