Hum se Abul Waleed ne bayan kiya, unhon ne kaha ke hum se Shuba ne bayan kiya Abu Ishaq se ke mein ne Bara Bin Azib (Radi Allahu Anhu) se suna, Aap kehte thay ke jab aayat «la ystwy alqaedwn mn almwmny n» nazil hui to Rasul Allah (Sallallahu Alaihi Wasallam) ne Zaid Bin Sabit (Radi Allahu Anhu) (jo katib-e-wahy thay) ko bulaya, Aap ek chori haddi sath le kar hazir hue aur is aayat ko likha aur Ibn Umm-e-Maktum (Radi Allahu Anhu) ne jab apne nabina hone ki shikayat ki to aayat yun nazil hui «la ystwy alqaedwn mn almwmny n ghyr awly alzrr»
.

Hum se Abdul Aziz Bin Abdullah ne bayan kiya, kaha hum se Ibrahim Bin Saad Zuhri ne bayan kiya, kaha ke mujh se Salih Bin Kaisan ne bayan kiya Ibn Shihab se, unhon ne Sahl Bin Saad Zuhri (Radi Allahu Anhu) se, unhon ne bayan kiya ke mein Marwan Bin Hakam (khalifa aur is waqt ke ameer-e-Madinah) ko Masjid-e-Nabwi mein baithe hue dekha to un ke qareeb gaya aur pehlu mein baith gaya aur phir unhon ne humein khabar di ke Zaid Bin Sabit Ansari (Radi Allahu Anhu) ne unhein khabar di thi ke Rasul Allah (Sallallahu Alaihi Wasallam) ne un se aayat likhwayi «la ystwy alqaedwn mn almwmny n walmjahdwn fy sbyl allh» unhon ne bayan kiya phir Abdullah Ibn Maktum (Radi Allahu Anhu) aaye. Aap (Sallallahu Alaihi Wasallam) is waqt mujh se aayat-e-mazkoora likhwa rahe thay, unhon ne kaha ya Rasul Allah! Agar mujh mein jihad ki taqat hoti to mein jihad mein shareek hota. Wo nabina thay, is par Allah Tabarak-o-Ta'ala ne apne Rasul (Sallallahu Alaihi Wasallam) par wahy nazil ki. Is waqt Aap (Sallallahu Alaihi Wasallam) ki ran meri ran par thi mein ne Aap par wahy ki shiddat ki wajah se Aap (Sallallahu Alaihi Wasallam) ki ran ka itna bojh mehsoos kiya ke mujhe dar ho gaya ke kahin meri ran phat na jaye. Is ke baad wo kaifiyat Aap (Sallallahu Alaihi Wasallam) se khatam ho gayi aur Allah Azzawajal ne faqat «ghyr awly alzrr» nazil farmaya
.

Hum se Hafs bin Umar ne byaan kiya , kaha hum se Shubah ne byaan kiya , un se Abu Ishaq ne aur un se Bara bin Azib razi Allahu anhu ne kaha ke jab aayat «la yastawil qaidoona minal momineena» nazil hui to Rasool Allah salla Allahu alaihi wasallam ne Zayd bin Sabit razi Allahu anhu ko kitabat ke liye bulaya aur unhon ne woh aayat likh di . Phir Abdullah bin Umm Maktoom razi Allahu anhu hazir huay aur apne nabina hone ka uzr pesh kiya , to Allah Ta'ala ne «ghayru ulid-darari» ke alfaz aur nazil kiye .

Hum se Muhammad bin Yusuf ne byaan kiya , un se Israeel ne byaan kiya , un se Abu Ishaq ne byaan kiya aur un se Bara bin Azib razi Allahu anhu ne byaan kiya ke jab aayat «la yastawil qaidoona minal momineena» nazil hui to Nabi Karim salla Allahu alaihi wasallam ne farmaya ke falan (yani Zayd bin Sabit razi Allahu anhu) ko bulao . Woh apne saath dawat aur takhti ya shana ki haddi le kar hazir huay to Nabi Karim salla Allahu alaihi wasallam ne farmaya likho «la yastawil qaidoona minal momineena wal mujahidoona fee sabilillahi» . Ibn Umm Maktoom razi Allahu anhu ne jo Nabi Karim salla Allahu alaihi wasallam ke peeche maujood thay , arz kiya: ya Rasool Allah! Main nabina hoon . Chunanche wahin is tarah aayat nazil hui «la yastawil qaidoona minal momineena ghayru ulid-darari wal mujahidoona fee sabilillahi» .

Hum se Ubaydullah bin Musa ne byaan kiya , un se Israeel ne , un se Abu Ishaq ne aur un se Bara bin Azib razi Allahu anhu ne byaan kiya ke jab aayat «la yastawil qa'idoona minal mu'mineena wal mujaahidoona fee sabilillahi» nazil hui to Nabi Karim salla Allahu alaihi wasallam ne farmaya ke Zayd ko meere paas bulao aur in se kaho ke takhti , dawat aur mondhay ki haddi (likhne ka saman) le kar aayein , ya rawi ne is ki bajaye haddi aur dawat (kaha) phir (jab woh aa gaye to) Nabi Karim salla Allahu alaihi wasallam ne farmaya ke likho «la yastawil qa'idoona» al-kh . Nabi Karim salla Allahu alaihi wasallam ke peeche Amr Ibn Umm Maktoom baithe huay thay jo nabina thay , unhon ne arz kiya: ya Rasool Allah! Phir Aap ka meere baare mein kiya hukm hai . Main to nabina hoon (jihad mein nahi ja sakta ab mujhko bhi mujahideen ka darja mile ga ya nahi) is waqt yeh aayat yun utri «la yastawil qa'idoona minal mu'mineena» al-kh nazil hui .