Hum se Ubaid Bin Ismail ne bayan kiya ' kaha hum se Abu Usamah ne bayan kiya Hisham se ' un se un ke walid ne aur un se Aisha (Radi Allahu Anha) ne (Quran Majeed ki is ayat) «Wa Man Kana Ghaniyyan Falyasta'fif Wa Man Kana Faqiran Fal-ya'kul Bil-Ma'rufi‏» "Aur jo shakhs maldar ho wo apne ko yateem ke maal se bilkul roke rakkhe ' albatta jo shakhs nadar ho to wo dastoor ke mutabiq kha sakta hai" ke baare mein farmaya ke yateemon ke waliyon ke baare mein nazil hui ke yateem ke maal mein se agar wali nadar ho to dastoor ke mutabiq us ke maal mein se le sakta hai
.

Mujh se Ishaq ne bayan kiya, kaha hum se Ibn Numair ne bayan kiya, kaha ke humein Hisham ne khabar di (doosri sanad) aur mujh se Muhammad ne bayan kiya kaha ke mein ne Usman Bin Farqad se suna, unhon ne kaha ke mein ne Hisham Bin Urwah se suna, wo apne baap se bayan karte thay ke unhon ne Aisha (Radi Allahu Anha) se suna, wo farmatein theen ke (Quran ki ayat) «Wa-man kana ghaniyyan falyas-ta'fif wa-man kana faqeeran falya'kul bil-ma'roof» jo shakhs maldar ho wo (apni zir-e-parwarish yateem ka mal hazam karne se) apne ko bachaye. Aur jo faqeer ho wo naik niyate ke sath is mein se kha le.“ Ye ayat yateemon ke un sarparaston ke mutaliq nazil hui thi jo un ki aur un ke mal ki nigrani aur dekh bhaal karte hon ke agar wo faqeer hain to (is khidmat ke awaz) naik niyate ke sath is mein se kha sakte hain
.