Hum se Abdullah Bin Muhammad Musandi ne bayan kiya, kaha hum se Usman Bin Umar ne bayan kiya, unhein Yunus ne khabar di aur Laith ne bayan kiya ke mujh se Yunus ne bayan kiya, un se Ibn Shihab ne, unhein Abdullah Bin Kaab ne khabar di aur unhein Kaab Bin Malik (Radi Allahu Anhu) ne khabar di ke unhon ne Ibn Abi Hadrad (Radi Allahu Anhu) se apna qarz talab kiya, jo un ke zimma tha. Ye Rasul Allah (Sallallahu Alaihi Wasallam) ke ahd-e-mubarak ka waqia hai. Masjid ke andar un dono ki awaz itni buland ho gayi ke Rasul Allah (Sallallahu Alaihi Wasallam) ne bhi suni. Aap (Sallallahu Alaihi Wasallam) is waqt apne hujre mein tashreef rakhte thay. Chunancha Aap (Sallallahu Alaihi Wasallam) bahar aaye aur apne hujrah ka parda utha kar Kaab Bin Malik (Radi Allahu Anhu) ko awaz di. Aap (Sallallahu Alaihi Wasallam) ne pukara ae Kaab! Unhon ne kaha ya Rasul Allah, mein hazir hoon. Phir Aap (Sallallahu Alaihi Wasallam) ne apne hath ke ishaare se farmaya ke adha maaf kar de. Kaab (Radi Allahu Anhu) ne kaha ke mein ne kar diya ya Rasul Allah! Aap (Sallallahu Alaihi Wasallam) ne (Ibn Abi Hadrad Radi Allahu Anhu se) farmaya ke ab utho aur qarz ada kar do
.

Hum se Abdullah bin Muhammad Musandi ne bayan kiya , unhon ne kaha hum se Usman bin Umar Abdi ne bayan kiya , unhon ne kaha ke mujhe Yunus bin Yazid ne Zuhri ke wastay se , unhon ne Abdullah bin Kab bin Malik se , unhon ne apne walid Kab bin Malik se ke unhon ne masjid Nabwi mein Abdullah Ibn Abi Hadrad se apne qarz ka talab kiya aur dono ki guftugu buland awazon se hone lagi . Yahan tak ke Rasool Allah salla Allahu alaihi wa sallam ne bhi apne hijra se sun liya . Aap parda hata kar bahar tashreef laye aur pukara . Kab , Kab raziyallahu anhu bole , ji ya Rasool Allah! hukm farmaye kya irshad hai ? Aap salla Allahu alaihi wa sallam ne farmaya ke tum apne qarz mein se itna kam kar do . Aap ka ishara tha ke aadha kam kar den . Unhon ne kaha ya Rasool Allah! mein ne bukhushi aisa kar diya . Phir aap ne Ibn Abi Hadrad se farmaya , achha ab utho aur is ka qarz ada karo . Jo aadha maaf kar diya gaya hai .

Hum se Ahmad bin Saleh ne bayan kiya , unhon ne kaha ke hum se Abdullah bin Wahb ne bayan kiya , unhon ne kaha mujhe Yunus bin Yazid ne khabar di , unhon ne Ibn Shihab Zuhri ke wastay se bayan kiya , unhon ne kaha ke mujh se Abdullah bin Kab bin Malik ne bayan kiya , un ko un ke walid Kab bin Malik raziyallahu anhu ne khabar di ke unhon ne Abdullah Ibn Abi Hadrad raziyallahu anhu se apne ek qarz ke silsile mein Rasool Allah salla Allahu alaihi wa sallam ke daur mein masjid Nabwi ke andar talab kiya . Dono ki awaz kuch unchi ho gayi yahan tak ke Rasool Allah salla Allahu alaihi wa sallam ne bhi apne hijra se sun liya . Aap uthe aur hijra par pare hue parde ko hataya . Aap ne Kab bin Malik ko awaz di , aye Kab! Kab bole . Ya Rasool Allah! hazir hun . Aap ne apne hath ke ishare se bataya ke woh apna aadha qarz maaf kar de . Kab ne arz ki ya Rasool Allah! mein ne maaf kar diya . Aap ne Ibn Abi Hadrad se farmaya achha ab chal uth is ka qarz ada kar .

Hum se Abdullah Bin Muhammad ne bayan kiya, unhon ne kaha ke hum se Usman Bin Umar ne bayan kiya, unhon ne kaha ke hum ko Yunus ne khabar di, unhein Zuhri ne, unhein Abdullah Bin Kaab Bin Malik (Radi Allahu Anhu) ne, unhon ne Kaab (Radi Allahu Anhu) se riwayat kiya ke unhon ne Ibn Abi Hadrad (Radi Allahu Anhu) se masjid mein apne qarz ka taqaza kiya. Aur donon ki aawaz itni buland ho gayi ke Rasul Allah (Sallallahu Alaihi Wasallam) ne bhi ghar mein sun li. Aap (Sallallahu Alaihi Wasallam) ne hujra mubarak ka parda utha kar pukara ay Kaab! unhon ne arz kiya, Ya Rasul Allah mein hazir hoon. Aap (Sallallahu Alaihi Wasallam) ne farmaya ke apne qarz mein se itna kam kar day aur Aap (Sallallahu Alaihi Wasallam) ne aadha qarz kam kar dene ka isharah kiya. Unhon ne kaha ke mein ne kam kar diya. Phir Aap (Sallallahu Alaihi Wasallam) ne Ibn Abi Hadrad (Radi Allahu Anhu) se farmaya ke uth ab qarz ada kar day
.

Hum se Yahya Bin Bukair ne bayan kiya, kaha hum se Lais ne bayan kiya, un se Jafar Bin Rabia ne, un se Aaraj ne bayan kiya ke mujh se Abdullah Bin Kaab Bin Malik ne bayan kiya aur un se Kaab Bin Malik (Radi Allahu Anhu) ne ke Abdullah Bin Hadrad Aslami (Radi Allahu Anhu) par in ka qarz tha, in se mulaqat hui to unhon ne in ka peecha kiya, (aakhir takrar mein) donon ki aawaz buland ho gayi. Nabi Kareem (Sallallahu Alaihi Wasallam) idhar se guzre to Aap (Sallallahu Alaihi Wasallam) ne farmaya, Ae Kaab! aur apne hath se ishaara kiya, jaise aap keh rahe hon ke aadha (qarz kam kar de) chunanchay unhon ne aadha qarz chor diya aur aadha liya
.