Hum se Muhammad Bin Abdullah Ansari ne bayan kiya, kaha mujh se Humaid ne bayan kiya aur un se Anas (Radi Allahu Anhu) ne bayan kiya ke Nazr ki beti Rubayy (Radi Allahu Anha) ne ek larki ke dant tor diye. Is par larki walon ne tawan manga aur in logon ne mafi chahi, lekin maaf karne se unhon ne inkar kiya. Chunanchay Nabi Kareem (Sallallahu Alaihi Wasallam) ki khidmat mein hazir hue to Aap (Sallallahu Alaihi Wasallam) ne badla lene ka hukm diya. (Yani in ka bhi dant tor diya jaye) Anas Bin Nazr (Radi Allahu Anhu) ne arz kiya, ya Rasul Allah! Rubayy ka dant kis tarah tora ja sake ga. Nahi is zaat ki qasam jis ne Aap ko haq ke sath mabous farmaya hai, is ka dant nahi tora jaye ga. Nabi Kareem (Sallallahu Alaihi Wasallam) ne farmaya Anas! Kitab-ullah ka faisla to badla lene (qisas) hi ka hai. Chunanchay ye log razi ho gaye aur maaf kar diya. Phir Aap (Sallallahu Alaihi Wasallam) ne farmaya ke Allah ke kuch bande aise bhi hain ke agar wo Allah ki qasam kha lein to Allah Ta'ala khud un ki qasam poori karta hai. Fazari ne (apni Riwayat mein) Humaid se, aur unhon ne Anas (Radi Allahu Anhu) se ye zyada-ti naqal ki hai ke wo log razi ho gaye aur tawan le liya
.

Unhon ne bayan kiya ke Anas Bin Nazr (Radi Allahu Anhu) ki ek behen Rubayye namm-i (Radi Allahu Anha) ne kisi khatoon ke aage ke dant tor diye thay, is liye Rasul Allah (Sallallahu Alaihi Wasallam) ne un se qisas lene ka hukm diya. Anas Bin Nazr (Radi Allahu Anhu) ne arz kiya ya Rasul Allah! Is zat ki qasam jis ne Aap ko haq ke sath Nabi banaya hai (qisas mein) un ke dant na tootein ge. Chunancha muddayi tawan lene par raazi ho gaye aur qisas ka khayal chor diya, is par Rasul Allah (Sallallahu Alaihi Wasallam) ne farmaya ke Allah ke kuch bande hain ke agar wo Allah ka naam le kar qasam kha lein to Allah khud un ki qasam poori kar deta hai
.

Hum se Muhammad bin Abdullah Ansari ne bayan kiya , kaha hum se Humaidi ne bayan kiya , un se Anas bin Malik rz ne bayan kiya ke Nabi Kareem صلی اللہ علیہ وسلم ne farmaya ke Kitab Allah ka hukm qisas ka hai .

Mujh se Abdullah bin Muneer ne byaan kiya , kaha ke main ne Abdullah bin Bakr Sahmi se suna , un se Humayd ne byaan kiya aur un se Anas razi Allahu anhu ne ke meri phoopi Rubayyi ne ek larki ke daant torr diye , phir is larki se logon ne maafi ki darkhwast ki lekin is larki ke qabile wale maafi dene ko tayyar nahi huay aur Rasool Allah salla Allahu alaihi wasallam ki khidmat mein hazir huay aur qisas ke siwa aur kisi cheez par raazi nahi thay . Chunanche Aap salla Allahu alaihi wasallam ne qisas ka hukm de diya . Is par Anas bin Nadr razi Allahu anhu ne arz kiya: ya Rasool Allah! Kya Rubayyi razi Allahu anha ke daant torr diye jayein ge , nahi , is zaat ki qasam jis ne Aap ko haq ke saath maboos kiya hai , un ke daant na torey jayein ge . Is par Aap salla Allahu alaihi wasallam ne farmaya ke Anas! Kitab Allah ka hukm qisas ka hi hai . Phir larki wale raazi ho gaye aur unhon ne maaf kar diya . Is par Aap salla Allahu alaihi wasallam ne farmaya ke kuch Allah ke bande aise hain ke agar woh Allah ka naam le kar qasam khayein to Allah un ki qasam poori kar hi deta hai .

Mujh se Muhammad bin Salam ne bayan kiya , unhone kaha hum ko Marwan bin Muawiya Fazari ne khabar di , unhein Humaid Taweel ne aur un se Anas bin Malik rz ne bayan kiya ke Rubayye ne jo Anas rz ki phuphi thein , Ansar ki ek larki ke aage ke daant torr diye . Larki walon ne qisas chaha aur Nabi Kareem صلی اللہ علیہ وسلم ki khidmat mein hazir hue . Nabi Kareem صلی اللہ علیہ وسلم ne bhi qisas ka hukm diya . Anas bin Malik rz ke chacha Anas bin Nazr rz ne kaha: Nahi Allah ki qasam! In ka daant na torra jaye ga . Nabi Kareem صلی اللہ علیہ وسلم ne farmaya ke Anas! Lekin Kitab Allah ka hukm qisas hi ka hai . Phir larki wale maafi par raazi ho gaye aur diyat lena manzoor kar liya . Is par Nabi Kareem صلی اللہ علیہ وسلم ne farmaya ke Allah ke bohat se bande aise hain ke agar woh Allah ka naam le kar qasam kha lein to Allah in ki qasam sachi kar deta hai .

Hum se Muhammad bin Abdullah Ansari ne bayan kiya, kaha hum se Humayd Taweel ne bayan kiya, in se Anas razi Allahu anhu ne ke Nazhrat ki beti ne ek larki ko tamancha mara tha aur is ke daant toot gaye thay. Log Nabi Karim salla Allahu alaihi wasallam ke paas muqaddama laaye to Nabi Karim salla Allahu alaihi wasallam ne qisas ka hukm diya.