Hum se Ahmad bin Younus aur Musa bin Ismail dono ne bayan kiya, unhon ne kaha hum se Ibrahim bin Sa’d ne bayan kiya, unhon ne kaha hum se Ibn-e-Shihaab ne bayan kiya, woh Sa’eed bin Al-Musayyab se riwayat karte hain, woh Abu Hurairah Radhiallahu Anhu se ke Rasoolulllah Sallallahu Alaihi Wasallam se daryaaft kiya gaya ke kaun sa amal sab se afzal hai? Aap Sallallahu Alaihi Wasallam ne farmaaya“Allah aur us ke Rasool par imaan laana”kaha gaya us ke baad kaun sa? Aap Sallallahu Alaihi Wasallam ne farmaaya ke“Allah ki raah mein jihaad karna”kaha gaya, phir kya hai? Aap Sallallahu Alaihi Wasallam ne farmaaya“Hajj-e-Mabroor”.

Hum se Abdul Aziz bin Abdullah ne byaan kiya , unhon ne kaha ke hum se Ibrahim bin Saad ne byaan kiya , unhon ne kaha ke hum se Zuhri ne byaan kiya , un se Saeed bin Musayyab ne byaan kiya aur un se Abu Hurairah razi Allahu anhu ne ke Nabi Karim salla Allahu alaihi wasallam se kisi ne poocha ke kaun sa kaam behtar hai ? Aap salla Allahu alaihi wasallam ne farmaya ke Allah aur us ke Rasool par imaan laana . Poocha gaya ke phir is ke baad ? Aap salla Allahu alaihi wasallam ne farmaya ke Allah ke raste mein jihad karna . Phir poocha gaya ke phir is ke baad ? Aap salla Allahu alaihi wasallam ne farmaya ke Hajj-e-Mabroor .

Hum se Ubaidullah Bin Musa ne bayan kiya, kaha hum se Hisham Bin Urwah ne, un se un ke walid ne, un se Abu Marwah ne aur un se Abu Zar Ghifari (Radi Allahu Anhu) ne ke mein ne Rasul Allah (Sallallahu Alaihi Wasallam) se poocha ke kaun sa amal afzal hai, Aap (Sallallahu Alaihi Wasallam) ne farmaya ke Allah par iman lana aur is ki rah mein jihad karna. Mein ne poocha aur kis tarah ka ghalam azad karna afzal hai? Aap (Sallallahu Alaihi Wasallam) ne farmaya, jo sab se zyada qeemti ho aur malik ki nazar mein jo bahut zyada pasandida ho. Mein ne arz kiya ke agar mujh se ye na ho saka? Aap (Sallallahu Alaihi Wasallam) ne farmaya, ke phir kisi Musalman karigar ki madad kar ya kisi be-hunar ki. Unhon ne kaha ke agar mein ye bhi na kar saka? Is par Aap (Sallallahu Alaihi Wasallam) ne farmaya ke phir logon ko apne shar se mehfooz kar de ke ye bhi ek sadqa hai jise tum khud apne upar karo ge
.

Hum se Musaddad ne bayan kiya ' kaha hum se Khalid Bin Abdullah ne bayan kiya ' kaha hum se Habeeb Bin Abi Umrah ne bayan kiya Aisha Bint-e-Talhah se aur un se Aisha (Radi Allahu Anha) (Umm-ul-Momineen) ne ke unhon ne poocha ya Rasul Allah! Hum samajhte hain ke jehad afzal amaal mein se hai phir hum (aurtein) bhi kyun na jehad karein? Aap (Sallallahu Alaihi Wasallam) ne farmaya "Lekin sab se afzal jehad maqbool hajj hai jis mein gunah na hon."
.