Hum se Abu Asim Dahhak Bin Makhlad ne bayan kiya, un se Ibn Juraij ne, un se Ibn Abi Mulaika ne, un se Abbad Bin Abdullah ne aur un se Asma (Radi Allahu Anha) ne bayan kiya ke mein ne arz kiya Ya Rasul Allah! mere paas sirf wahi mal hai jo (mere shohar) Zubair ne mere paas rakkha hua hai to kya mein is mein se sadqa kar sakti hoon? Aap (Sallallahu Alaihi Wasallam) ne farmaya "Sadqa karo, jorr ke na rakkho, kahin tum se bhi. (Allah ki taraf se na) rok liya jaye."
.

Hum se Sadqa bin Fadl ne byaan kiya ‘ kaha ke humein Abdah ne Hisham se khabar di ’ unhein un ki biwi Fatimah bint Munzir ne aur un se Asma razi Allahu anha ne byaan kiya ke mujh se Nabi Karim salla Allahu alaihi wasallam ne farmaya ke khairat ko mat rok warna tera rizq bhi rok diya jaye ga .

Hum se Abu Asim (Abu Asim Dahhak) ne byaan kiya aur un se Ibn Juraij ne byaan kiya . (Doosri sanad) aur mujh se Muhammad bin Abdul Rahman ne byaan kiya ‘ un se Hajjaj bin Muhammad ne byaan kiya aur unhon ne kaha ke hum se Ibn Juraij ne byaan kiya ke mujhe Ibn Abi Malaikah ne khabar di ‘ unhein Abbad bin Abdullah bin Zubayr ne Asma bint Abi Bakr razi Allahu anhuma se khabar di ke woh Nabi Karim salla Allahu alaihi wasallam ke haan aayin . Aap salla Allahu alaihi wasallam ne farmaya ke (maal ko) theili mein band kar ke na rakhna warna Allah paak bhi tumhare liye apne khazane mein bandish laga de ga . Jahan tak ho sake logon mein khair khairat taqseem karti reh .

Hum se Ubaidullah Bin Saeed ne bayan kiya, kaha hum se Abdullah Bin Numair ne bayan kiya, kaha hum se Hisham Bin Urwah ne bayan kiya, un se Fatima Bint Munzir ne aur un se Asma Bint Abi Bakr (Radi Allahu Anha) ne ke Rasul Allah (Sallallahu Alaihi Wasallam) ne farmaya "Kharch kiya kar, gina na kar, taake tumhein bhi gin ke na mile aur jorr ke na rakkho, taake tum se bhi Allah Ta'ala (apni nimatou ko) na chhupa le."
.