Hum se Uthman bin Abi Shaibah ne bayan kiya, kaha hum se Jareer ne Mansoor ke waaste se, woh Abu Waail se, woh Huzaifah se riwayat karte hain ke Rasoolallah Sallallahu Alaihi Wasallam jab raat ko uthte to apne munh ko miswaak se saaf karte.

Hum se Muhammad bin Kathir ne byaan kiya , ke hamein Sufyan Thauri ne Mansoor bin Mamar aur Husayn bin Abdur Rahman se khabar di , unhein Abu Wail ne , unhein Hudhayfah bin Yaman razi Allahu anhu ne ke Nabi Karim salla Allahu alaihi wasallam jab raat ko uthte to munh ko miswaak se khoob saaf karte .

Hum se Hafs bin Umar ne byaan kiya , kaha ke hum se Khalid bin Abdullah ne byaan kiya , un se Husayn bin Abdur Rahman ne un se Abu Wail ne aur un se Hudhayfah razi Allahu anhu ne ke Nabi Karim salla Allahu alaihi wasallam jab raat ko tahajjud ke liye kharay hote to pehle apna munh miswak se khoob saaf karte .