Hum se Muhammad Bin Muqatil ne bayan kiya, unhon ne kaha ke hum ko Abdullah ne khabar di, unhon ne kaha ke hum ko Sufyan ne khabar di, unhein Sulaiman Shaibani ne, unhein Muhammad Bin Abi Mujalid ne, kaha ke mujhe Abu Burdah aur Abdullah Bin Shaddad ne Abdur Rahman Bin Abza aur Abdullah Bin Abi Aufa (Radi Allahu Anhuma) ki khidmat mein bheja. Mein ne un donon hazrat se bai-salam ke mutalliq poocha to unhon ne kaha ke hum Rasul Allah (Sallallahu Alaihi Wasallam) ke zamane mein ghanimat ka maal pate, phir Sham ke Anbaat (ek kashtkar qaum) humare yahan aate to hum un se gehoon, jau aur munaqqa ki bai-salam ek muddat muqarrar kar ke kar liya karte thay. Unhon ne kaha ke phir mein ne poocha ke un ke paas is waqt ye cheezhein maujood bhi hoti theen ya nahi ? Is par unhon ne kaha ke hum is ke mutalliq un se kuch poochte hi nahi thay
.

Hum se Abul Waleed ne bayan kiya, kaha ke hum se Shuba ne bayan kiya, un se Ibn Abi Mujalid ne (teesri sanad) aur hum se Yahya ne bayan kiya, un se Waki ne bayan kiya, un se Shuba ne, un se Muhammad Bin Abi Mujalid ne. (doosri sanad) hum se Hafs Bin Umar ne bayan kiya, un se Shuba ne bayan kiya, kaha ke mujhe Muhammad aur Abdullah Bin Abi Mujalid ne khabar di, unhon ne bayan kiya ke Abdullah Bin Shaddad Bin Al-Haad aur Abu Burdah mein bai-salam ke mutalliq baham ikhtilaf hua. To in hazrat ne mujhe Ibn Abi Aufa (Radi Allahu Anhu) ki khidmat mein bheja. Chunanche mein ne un se poocha to unhon ne kaha ke hum Rasul Allah (Sallallahu Alaihi Wasallam), Abu Bakr aur Umar (Radi Allahu Anhuma) ke zamanon mein gehoon, jau, munaqqa aur khajoor ki bai-salam karte thay. Phir mein ne Ibn Abza (Radi Allahu Anhu) se poocha to unhon ne bhi yahi jawab diya
.

Hum se Abul Waleed ne bayan kiya, kaha ke hum se Shuba ne bayan kiya, un se Ibn Abi Mujalid ne (teesri sanad) aur hum se Yahya ne bayan kiya, un se Waki ne bayan kiya, un se Shuba ne, un se Muhammad Bin Abi Mujalid ne. (doosri sanad) hum se Hafs Bin Umar ne bayan kiya, un se Shuba ne bayan kiya, kaha ke mujhe Muhammad aur Abdullah Bin Abi Mujalid ne khabar di, unhon ne bayan kiya ke Abdullah Bin Shaddad Bin Al-Haad aur Abu Burdah mein bai-salam ke mutalliq baham ikhtilaf hua. To in hazrat ne mujhe Ibn Abi Aufa (Radi Allahu Anhu) ki khidmat mein bheja. Chunanche mein ne un se poocha to unhon ne kaha ke hum Rasul Allah (Sallallahu Alaihi Wasallam), Abu Bakr aur Umar (Radi Allahu Anhuma) ke zamanon mein gehoon, jau, munaqqa aur khajoor ki bai-salam karte thay. Phir mein ne Ibn Abza (Radi Allahu Anhu) se poocha to unhon ne bhi yahi jawab diya
.